Salmo
32 Pibish paibu pantarishcada cungarish perdonajpiga, contentomi sintirin. 2 Jehová Dios na culpajpi, y shungubi culpada na charijga contentomi sintirin. 3 Upalla saquirijpiga, culpamundaga tucui funchami ñuca tullugunaga llaquilla gashcamunda chaquirirca. 4 Porque cada funchami canbu maqui ñuca jahuabi llashaj garca. Ñuca fuerzaga, rrupi y chaquij funchabi yacu fuyu tucush tucurij shinami tucurirca. 5 Pero ñuca pecadodami huillarcani; pantarishcadaga na pacarcanillu. Ñucalladimi nirircani: “Ñuca pantarishcadami Jehová Diosmun huillasha”. Y canmi ñuca pantarishcada y ñuca pecadogunada perdonahuarcangui.