Lucas
11 Dirigentegunamun, juezgunamun y autoridadgunabu ñaupujmu apajpiga, difindiringabu imada o imashina contestasha nish ama preocuparichillu, 12 porque espíritu santomi cangunadaga chai rrato ima nina gashcada yachachinga”. 15 Entonces nirca: “Ñahuida alli pascaichi y ama charinallabi yuyaichi, porque, ashcada charinaga, chai cosasgunaga para siempre causaidaga na cui pudinllu”. 16 Chai jipami, Jesusga cai chimbapuraida churarca: “Shuj charij jaribu allpabimi granogunaga ashcada fucurca. 17 Chaimundami paiga cashnami yuyai callarirca: ‘¿Cununga imadadi rrurrasha, ñuca cosechashca granogunadaga maibi huaquichinadaga na charinillu?’. 18 Entonces nirca: ‘Caidami rrurragrini: granoda huaquichina huasida tucuchishmi cutishuj más jatunda rrurrasha y chaibimi tucui ñuca fucushca granogunada huaquichisha. 19 Jipaga ñucalladimi cashna nirisha: “Ashca huatagunabumi ashca huaquichishcada charingui; chaimunda micush, ubiash y tranquilo cainana gangui”’. 20 Pero Taita Diosga paida nirca: ‘Muspa, cunun tutami huañungui. ¿Y pidi can charishcagunaunga saquiringa?’. 21 Cullquiyujgunaunga chashnalladimi tucun, Taita Diosbu ñaupujpiga na charijyujllu gan”.