Juillu tamiamundaga ¿imadadi yachajunchi?

Diosga na cazujgunadami tucuchirca. Solo Noé y paibu familiadami salvarca (Génesis 7:11, 12, 23).

40 funcha y 40 tutadami juillu tamiarca. Yacuga tucui allpadami taparca. Shinami, illita malo genteguna huañurca.

Na cazuj angelgunaga paigunabu aichayuj cuerpoda saquishmi, Diabloun tandanajurca. Paigunaga demoniogunami tucurca.

Arca ucubi tiyajgunallami salvarirca. Tiempounga Noé paibu familiash huañurcami, pero Diosmi cutindi paigunamun causaida cunga. Shinami, para siempre causai pudinga.

Diosga ñallami cutindi malo gentegunada tucuchinga, pero alli gentegunadami salvanga (Mateo 24:37-39).

Diablo y demoniogunaga genteguna Jehová Diosda ama uyallun jarcanajun.

Cunun tiempoga, Noebu tiempobi shina, mayoría gentegunaga Jehová Diosda na cazunllu. Paiga chai malo gentegunada ñallami tucuchinga (2 Pedro 2:5, 6).

Pero huaquin gentegunaga, Noé shina Dios mandashcadami factachin. Paigunaga, testigo de Jehovagunami gan.