Cai mundoga ¿ima horashi shuj paraíso tucunga?

Cunun tiempobi tiyashca problemagunaga Diosbu Reino ña chayamugrishcada rricuchin (Lucas 21:10, 11; 2 Timoteo 3:1-5).

Ñaupa tiempomi cunun tiyana problemagunamunda Bibliaga ña parrlarca. Huahuagunaga taitamamada na cazungallu, gentegunaga malo munaigunadami charinga. Solo cullquida munashmi causanga nirca.

Ashtaunbish, jatun terremotoguna, guerras, yarijaiguna y ashca unguiguna tiyanadashmi nirca. Cunun tiempoga chaidami rricunchi.

Jesusga, Diosbu Reinomunda alli noticiagunaga mundo enterobimi predicashca ganga nirca (Mateo 24:14).

Diosbu Reinomi tucui malo cosasgunada para siempre tucuchinga (2 Pedro 3:13).

Jehová Diosga ñallami malo gentegunada tucuchinga.

Diablo y paibu demoniogunash tucuchishcami ganga.

Diosda cazuj gentegunaga cai mundobi tranquilo, na manchashmi juyaiun causangaguna. Tucuigunami rrandi rrandi confianajunga.