LECCIÓN 14

Imada yachachisha nishcadami intindichina gangui

Hebreos 8:1

RESUMEN: Can cujushca discursoda genteguna intindish catillun ayudai, shinalladi can yachachijushca temaunga imada yachachisha nishcadami alli intindichina gangui.

¿IMASHINADI RRURRANA GANGUI?

Imada yachachisha nishcada alli rricui. Shuj discursoda rrurrajushaga, ¿imashinadi huillasha?, ¿imashinadi animasha? o ¿imashinadi intindichisha? nishmi, alli yuyana gangui. Can yachachijushca temaun imada yachachisha nishcada alli fajtachi.

Cashna tapuri: “ñucada uyajgunaga jarcaigunada churajpi o tapuigunada rrurrajpiga, ¿imashinadi contestasha?”. Chai jipaga quiquinbu discurso intindirinalla gallunga, asha ashami alli intindichish yachachina gangui.
Yachachijushca temada alli intindichi. Discursoda cujush, yachachijushca temada intindillunga, imada yachachisha nishcadami repitina gangui.
Can yachachijushca temamunda jahualla y clarito intindichi. Huaquin yuyaigunallada agllashmi can yachachijushca temadaga intindichina gangui, shinalladi nishca tiempobimi tucuchina gangui. Agllashca yuyaigunadaga claritomi intindichina gangui. Shuj yuyaimunda parrlajush, cutishuj yuyaimunda parrlash callaringabuga, allimundami parrlash tucuchina gangui.

Genteguna intindillunga, imada yachachisha nishcadami parrlash callarina gangui, shinalladi ama cungarillunga, imada yachachisha nishcadami parrlash tucuchina gangui.