LECCIÓN 02
Bibliaga shuj esperanzadami cun
Mundo enterobimi, gentecanchaga problemagunada charishcamunda triste, preocupado, nanarishca causan. Tal vez shuj familia huañushcamunda, unguigunamundaga llaqui, sufrishmi causangui, pero tapurishcanguillari ¿ima funchashi caigunaga tucuringa? nish. Bibliami cai tapuimunda tranquilizaj respuestada cun.
1. ¿Bibliaga ima esperanzada cun?
Bibliaga mundo enterobi imamunda ashca problemaguna tiyashcadami huillan. Shinalladi alli noticiadashmi cun, cai problemaguna ñalla tucurinadami huillan. Biblia “shamuj funchagunabi alli causaida y shuj esperanzadashmi” cun (Jeremías 29:11, 12-da liyi). Cai promesami cunun funchagunabi problemagunada aguantangabu y contento causangabu ayudan. Shinalladi ciertomi para siempre felices causai pudishcada yachachin.
2. Biblia shamuj funchagunabi causaimundaga ¿imadadi yachachin?
Bibliaga shamuj funchagunabi “huañuibish, llaquibish, nanaibish ña na tiyangallu” nin (Apocalipsis 21:4-da liyi). Llaquichij problemaguna, por ejemplo: pobreza, injusticia, unguiguna y huañuibish ña na tiyangallu. Bibliaga alli genteguna cai allpa paraíso tucujpi para siempre feliz causanadami huillan.
3. Bibliabi tiyaj esperanzabi confiallunga ¿imadi ayudanga?
Ashca gentegunami cashna laya causai cambianada yuyan. Pero, cierto mejorarinadaga paigunalladimi na crinajun. En cambio, Bibliabi nishcaga tucuimi fajtaringa. Biblia ima nishcagunabi confiangabuga “escribishcagunada liyish allimi intindina” ganchi, chaibuga Bibliadami estudiana ganchi (Hechos 17:11). Caida rrurrashmi quiquinlladi shamuj funchagunabi ima tucunada yachangui y Biblia huillashcada crinada o na crinada agllai pudingui.
CAI TEMAMUNDA MÁS YACHASHUNCHI
Biblia shamuj funchagunabu ima alli promesaguna charishcada yachashunchi. Chai esperanzaguna imashina cutishuj gentegunada ayudajushcadash rricushunchi.
4. Bibliaga para siempre alli causana esperanzadami cun
Bibliamunda tarishca huaquin promesagunada rricui ¿majinda munangui? ¿imamunda?
Bibliamunda cai promesagunabu textogunada liyish, chaimunda parrlaichi:
¿Cai textoguna esperanza cujtaga cringuillu? Familiagunabi, amigogunabi yuyai ¿paigunada ayudangallu?
Cai laya mundobi causajushcada yuyai:
NI PI... |
TUCUI GENTEGUNAMI... |
|---|---|
|
|
|
|
|
|
|
|
|
|
5. Bibliabi tiyaj esperanzami alli causaida cunga
Ashca gentegunami cai mundobi problemaguna tiyashcamunda llaquilla o colerashcami causan. Huaquingunaga chai problemaguna mejorarillun munashcamundami tucuida rrurran. Bibliabi tiyaj promesaguna imashina cunun funchagunabi ashca gentegunada ayudajushcada rricui. VIDEODA rricush caimunda parrlaichi:
Videobi rricushca shinaga, Rafikaga ¿ima injusticiamundadi preocuparirca?
Pai rricushca injusticiaguna na chingarijpibish Biblia paidaga ¿imashinadi ayudarca?
Bibliabi rricurij esperanzami ama demas llaquilla sintirillun y problemagunada charishash alli causallun ayudan. Proverbios 17:22 y Romanos 12:12-da liyish, chaimunda parrlaichi:
¿Bibliabi rricurij esperanza quiquinbu causai mejorarillun ayudanada cringuillu? ¿Imamunda?
HUAQUINGUNAGA NINMI: “Bibliabu promesagunaga na fajtaringallu”.
Bibliabi nishca promesagunaga cierto fajtarina gashcada cringabu ashtaun yachanaga ¿allillu gan? ¿Imamunda?
RESUMEN
Bibliaga problemagunada charijpish alli causai tiyanadami huillan, chai esperanzami ñaupujmun catillun ayudan.
Repaso
¿Gentegunaga imamundadi shuj esperanzada charina ministin?
¿Bibliaga shamuj funchagunamundaga imadadi huillan?
¿Shuj esperanzada charinaga imashinadi ayudai pudin?
ASHTAUN YACHAI
Esperanza poderta charishcamunda ashtaun yachai.
“Esperanza: ¿dónde hallarla?” (¡Despertad!, 22 de abril de 2004)
Ancha unguida charish causaj gentegunada, esperanza imashina ayudashcada rricui.
“¿Puede la Biblia ayudarnos a sobrellevar una enfermedad?” (Artículo de jw.org)
Cai video musicalta rricushaga Bibliabi nishca shina, quiquinbu familiaun paraisobi alli causajushcada yuyai.
Bibliabi tiyaj esperanzada yachash shuj jari imashina paibu causaibi cambiashcada liyi.
“Ya no siento la necesidad de cambiar el mundo” (La Atalaya, 1 de julio de 2013)