Quiquinga Jehová Diosbu amigomi tucui pudingui

Jehová Diosga paida alli rrijsillunmi munan. ¿Imamunda? Jehová Diosga paibu cualidadgunamunda yachash, pai imashina gajta rrijsish, imada ñucunchimunda rrurragrijujta yachashaga, paibu amigo tucungabumi munashun. ¿Pero ciertollu Diosbu amigo tucui pudinchi? (Salmo 25:14-da liyi). ¿Chaida fajtachingabuga canga imadadi rrurrana gangui? Bibliami cai tapuigunabu respuestada cun, shinalladi Diosbu amigo tucuna imamunda importante gashcadash yachachin.

1. ¿Jehová Diosga quiquindaga ima invitaciondadi rrurrajun?

“Diosmun mayayaichi, paibish cangunamun mayayangami” (Santiago 4:8). ¿Cai palabragunaga imadadi nisha nin? Jehová Diosga quiquinda paibu amigo tucullunmi invitajun. Huaquingunaga Diosda na rricushcamundami, paibu amigo na tucui pudinchi nin. Pero paimun mayayangabu y paimunda ashtaun yachangabuga, ñucunchigunamun Bibliada cushca. Jehová Diosda na rricui pudishash, Bibliada liyishmi ñucunchi amistad más shinchi tucunga.

2. ¿Jehová Diosga imamundadi alli amigo gan?

Jehová Diosmi candaga ashcada juyan. Paiga can cushilla causallun, shinalladi imada ministishash paida mascallunmi munan. Bibliabiga “Diosga ñucunchimunda preocuparinmi, chaimunda ima llaquigunada charishaga paimun huillaichi” nin (1 Pedro 5:7). Jehová Diosga siempremi paibu amigogunada animangabu, ayudangabu y uyangabuga listo gan (Salmo 94:18, 19-da liyi).

3. ¿Jehová Diosga paibu amigoguna imada rrurrallundi munan?

Jehová Diosga tucui gentegunadami juyan, pero “paida cazujgunaunga alli amistadtami charin” (Proverbios 3:32). Jehová Diosga paibu amigoguna alli cosasgunada rrurrallun, y pai fiñashca cosasgunadaga ama rrurrallunmi munan. Huaquingunaga Jehová Diosbu ñaupujpi nunca na alli rricuri pudishcadami yuyan, pero Jehová Diosga juyajmi gan. Chaimunda paida catingabu esforzarijgunadaga contentomi chasquin (Salmo 147:11; Hechos 10:34, 35).

CAI TEMAMUNDA MÁS YACHASHUNCHI

4. Abrahanga Jehová Diosbu amigomi garca

Bibliabi Abrahanbu causaimunda parrlashaga, (o Abrán shuti nishca) imashina Diosbu amigo tucui pudishcadami rricuchin. Abrahanbu causaimunda yachangabuga Génesis 12:1-4-da liyish, chaimunda parrlaichi:

• ¿Jehová Diosga Abrahanda imada rrurrallundi mañarca?

• ¿Jehová Diosga ima promesadadi rrurrarca?

• ¿Abrahanga Jehová Diosda uyashca jipaga imadadi rrurrarca?

5. ¿Jehová Diosga paibu amigoguna imada rrurrallundi munan?

Ñucunchi amigoguna ayudallunmi munanchi ¿nallu?

• ¿Canbu amigoguna imashina ayudallundi munangui?

1 Juan 5:3-da liyish, chaimunda parrlaichi:

• ¿Jehová Diosga paibu amigoguna imada rrurrallundi munan?

Jehová Diosda cazungabuga ñucunchi causaida, yuyaigunadash cambiana ganchi. Isaías 48:17, 18-da liyish, chaimunda parrlaichi:

• ¿Jehová Diosga paibu amigogunada imamundadi cambiogunada rrurrallun mañan?

6. Jehová Diosga paibu amigogunadami ayudan

VIDEO: Jehová Diosmi ayudarca (3:20)

• ¿Jehová Diosga videobi rricurij huarmida ama llaquilla sintirillun, y malo pensamientogunada saquillunga imashinadi ayudarca?

Isaías 41:10, 13-da liyish, chaimunda parrlaichi:

• ¿Jehová Diosga paibu amigogunamundaga imadadi rrurrasha nin?

• ¿Jehová Dios shuj alli amigo tucui pudishcadaga cringuillu? ¿Imamunda?

7. Jehová Diosun alli apangabuga paiun parrlanaga importantemi gan

Ñucunchi amigogunaun parrlashaga alli amistadtami charinchi. Salmo 86:6, 11-da liyish, chaimunda parrlaichi:

• ¿Jehová Diosunga imashinadi parrlanajui pudinchi?

• ¿Jehová Diosga imashinadi ñucunchigunaun parrlan?

RESUMEN

Jehová Diosga canbu amigo tucunadami munan, chaimundami paimun imashina mayayana gashcada yachachin.

Repaso

• ¿Jehová Diosga imashinadi paibu amigogunadaga ayudan?

• ¿Jehová Diosga paibu amigogunada imamundadi cambiogunada rrurrallun mañan?

• ¿Jehová Diosbu amigo tucunaga shinchi gashcadallu cringui? ¿Imamundadi shina yuyangui?

ASHTAUN YACHAI

¿Jehová Diosbu amigo tucunaga candaga imashinadi ayudanga?

“Jehová, un Dios que vale la pena conocer” (La Atalaya, 15 de febrero de 2003)

Jehová Diosun alli amistadta charina pudishcada yachai.

“¿Cómo puedo hacerme amigo de Dios?” (Lo que los jóvenes preguntan. Respuestas prácticas [volumen 2], capítulo 35)

Shuj huarmi Jehová Diosun alli amistadta charina, imashina paida ayudashcada rricui.

“¡Yo no quería morirme!” (La Atalaya, núm. 1 2017)

Huaquin jovenguna Jehová Diosmunda imada yuyashcada rricui.

¿Qué significa ser amigo de Dios? (1:46)