LECCIÓN 51
Ñucunchi parrlashcagunaunga, ¿imashinadi Jehová Diosda contentachi pudinchi?
Jehová Dios ñucunchida rrurrashaga, parrlana regalodami curca. Chai regalodaga, ¿imashinadi utilizallun munan? Alli utilizallunmi munan (Santiago 1:26-da liyi). Shinaga, Jehová Diosda contentachingabuga, ¿imashinadi parrlana ganchi?
1. ¿Parrlana regalodaga imashinadi utilizana ganchi?
Bibliaga: “Caishuj chaishuj animarish ayudarish catichi” ninmi (1 Tesalonicenses 5:11). ¿Pish animallun ministijujta yachanguillu? ¿Ayudangabuga imadadi rrurrai pudingui? Paida juyashcada, ima cualidadgunada charishcada ni. Shinalladi, paida animangabu Bibliamunda shuj textoda agllai. Ashtaunbish canbu nishcaguna cutishujgunada animai pudishcadami yuyarina gangui. Shinaga siempre juyaiun, respetoun parrlangabu esforzari (Proverbios 15:1).
2. ¿Ima laya parrlogunamundadi jarcarina ganchi?
Bibliaga cashnami nin: “Cangunamunda mapa shimiguna ama llujshillun” (Efesios 4:29-da liyi). Cai textoga mapa, malo y llaquichij shimigunada na parrlana gashcadami nisha nin. Shinalladi, cutishujgunada murmuranamunda o llullagunada ninamundami jarcarina ganchi (Proverbios 16:28-da liyi).
3. ¿Alli parrlallunga imadi ayudanga?
Ñucunchi nishcagunaunmi imada yuyashcada, imashina sintirishcada rricuchinchi (Lucas 6:45). Chaimundami alli, limpio y juyaida rricuchij cosasgunabi yuyana ganchi (Filipenses 4:8). Chaida fajtachingabuga, alli cosasgunada y alli amigogunadami agllana ganchi (Proverbios 13:20). Shinalladi narij parrlashmi alli yuyana ganchi. Can nishcaguna cutishujgunada ama llaquichillunga alli yuyash parrlai. Bibliabiga: “Na yuyash nishca palabragunaga shuj espada shinami tsugrichin, pero alli yuyash parrlashca shimigunaga tsugrida sanoyachij shinami gan” nin (Proverbios 12:18).
CAI TEMAMUNDA MÁS YACHASHUNCHI
Jehová Diosda contentachingabu y cutishujgunada animangabu imashina parrlana gashcada rricushunchi.
4. Alli yuyash parrlai
Huaquinbiga, na alli yuyash parrlashcamundami arrepintirinchi (Santiago 3:2). Gálatas 5:22, 23-da liyish, chaimunda parrlaichi:
Cai textomunda, ¿majin cualidadta charinada munangui? Jehová Dios cai cualidadta charillunga, ¿imashinadi ayudai pudin?
1 Corintios 15:33-da liyish, chaimunda parrlaichi:
Na alli amigogunada charina y malo cosasgunada rricunaga, ¿imashinadi canda afectan?
Malo cosasgunada rricush uyashaga na allillu parrlangui. Cutin alli cosasgunada rricush uyashaga allimi parrlangui.
Eclesiastés 3:1, 7-da liyish, chaimunda parrlaichi:
¿Ima horadi upalla saquirina gani? ¿Ima horadi parrlana gani?
5. Cutishujgunamunda alli parrlai
Ñucunchi nishcagunaun cutishujgunada ama llaquichingabuga, ¿imadadi yuyarina ganchi? VIDEODA rricush caimunda parrlaichi:
Videobi rricushca huauquiga, ¿imamundadi cutishujgunamunda na alli parrlana costumbreda saquisha nirca?
¿Chaida saquingabuga imadadi rrurrarca?
Eclesiastés 7:16-da liyish, chaimunda parrlaichi:
Majinmundash na alli parrlana munaida charishaga, ¿imadadi yuyarina ganchi?
Eclesiastés 7:21, 22-da liyish, chaimunda parrlaichi:
Majinbish canmunda na alli parrlai callarijpiga, ¿imashinadi cai textogunaga ama rrato fiñayallun ayudanga? ¿Imamunda?
6. Canbu familiaun parrlajushaga juyaiun parrlai
Jehová Diosga ñucunchi familiagunaun parrlajushaga juyaiun, respetoun parrlallunmi munan. VIDEODA rricush caimunda parrlaichi:
Canbu familiaun juyaiun parrlallunga, ¿imadi ayudanga?
Efesios 4:31, 32-da liyish, chaimunda parrlaichi:
¿Familia ucubi contento causangabuga imashinadi parrlana ganchi?
Jehová Diosga paibu churi Jesusda juyashcadami rricuchirca. Mateo 17:5-da liyish, chaimunda parrlaichi:
¿Jehová Diosbu ejemploda catishcada rricuchingabuga, familiaun imashinadi parrlana gangui?
Cutishujgunada felicitangabu esforzari.
HUAQUINGUNAGA NINMI: “Ñucaga ima yuyashcadami nini. Cutishujguna ima yuyashcaga na importanllu”.
¿Shina yuyana alli gashcadallu cringui? ¿Imamunda?
RESUMEN
Ñucunchi parrlashcagunaunmi cutishujgunada llaquichi o animachi pudinchi. Chaimunda ima nigrijushcada, maibi ninada, imashina ninadami alli yuyana ganchi.
Repaso
¿Cutishujgunada animangabuga imashinadi parrlana gangui?
¿Ima laya parrlogunamundadi jarcarina ganchi?
¿Siempre respetoun, juyaiun parrlallunga imadi ayudanga?
ASHTAUN YACHAI
Alli parrlallunga, ¿imadi ayudanga?
Mala palabragunada ama ningabu ima ayudaguna tiyashcada rricui.
“¿Qué problema hay en decir malas palabras?” (Artículo de jw.org)
Ama chismoso tucungabu ima ayudashcada averiguai.
Jehová Dios shuj jarida mala palabragunada ama nillun imashina ayudashcada rricui.
“Comencé a pensar en el rumbo que estaba tomando mi vida” (La Atalaya, 1 de agosto de 2013)