Canbu congregacionda ayudai

Mundo entero congregaciongunabimi ashca millón genteguna Jehová Diosda contento adoranajun. Cai huauquipanigunaga congregacionbi yachachishcagunadami valoran, shinalladi diferente rrurraigunabimi congregacionda apoyanajun. ¿Canbish congregacionbi ayudanada munanguillu?

1. Congregacionbiga, ¿imashinadi canbu tiempoun y fuerzaun ayudai pudingui?

Congregacionbiga tucuigunami ayudai pudinchi. Por ejemplo, ¿canbu congregacionbi mayorlla o ungushca huauquipanigunaga tiyanllu? ¿Paigunadaga tandanajuigunamun apai pudinguillu? ¿Huaquin cosasgunada rrandish o huasida limpiash ayudai pudinguillu? (Santiago 1:27-da liyi). Shinalladi tucuigunami Salón del Reinoda limpiash y arreglash ayudai pudinchi. Cai cosasgunadaga, Jehová Diosda y huauquipanigunada juyashcamundami rrurranchi (Salmo 110:3).

Bautizarishca huauquipanigunami congregacionda apoyangabu ashtaun aportunidadta charin. Huauquigunaga Bibliabu requisitogunada fajtachishmi, siervo ministerial o anciano tucui pudin. Shinalladi, huauquipanigunami, precursor tucush predicacionbi ashtaun participai pudin. Huaquingunaga, Diosda adorana huasigunada shayachishmi ayudan. Cutishujgunaga ministishca congregacionda apoyangabumi rrin.

2. ¿Imashinadi ñucunchi cullquiun y cutishuj cosasgunaun congregacionda apoyai pudinchi?

Bibliabiga: “Jehová Diosda valishca cosasgunaun jatunyachi” ninmi (Proverbios 3:9). Ñucunchi cullquiun y charishca cosasgunaun congregacionda y mundo enterobi predicacionda apoyashmi contentos sintirinchi (2 Corintios 9:7-da liyi). Ñucunchi contribuciongunaunmi sufrijuj huauquipanigunada ayudanchi. Shinalladi huaquingunaga contribuciongunada cungabumi cullquida “huaquichina” costumbreda charin (1 Corintios 16:2-da liyi). Ñucunchi cullquidaga Salón de Reinobi tiyaj caja de contribución nishcabimi churai pudinchi o internetbi donate.jw.org nishca paginamun yaicushmi depositai pudinchi. Jehová Diosda adorangabuga ñucunchi charishca cosasgunadami utilizai pudinchi, shinami paida juyashcada rricuchinchi.

CAI TEMAMUNDA MÁS YACHASHUNCHI

3. Charishca cosasgunada cush ayudashunchi

Jehová Dios y Jesusbish shungumunda convidajtami juyan. Jesusga shuj pobre viuda huarmi contribucionda cungabu, imada rrurrashcadami rricurca. Lucas 21:1-4-da liyish, chaimunda parrlaichi:

• Jehová Dios contento sintirillunga, ¿ashca cullquidallu cuna gangui?

• Shungumunda contribuciongunada cujpiga, ¿imashinadi Jehová y Jesusbish sintirin?

Ñucunchi contribuciongunada imashina utilizashcada yachangabuga, cai VIDEODA rricui. Jipaga caimunda parrlaichi:

VIDEO: Jehová Diosmun contribuciongunada churashunchi (4:47)

• Mundo enterobi tiyaj congregaciongunadaga, ¿imashinadi ñucunchi contribuciongunaga ayudan?

4. Canbish ayudai pudinguimi

Ñaupa tiempobi Jehová Diosda sirvijgunaga cullquida cushmi ayudanajurca, shinalladi Diosda adorana lugargunadaga cuidash, arreglash, limpiashmi charinajurca. 2 Crónicas 34:9-11-da liyish, chaimunda parrlaichi:

• Ñaupa tiempobi israelitaguna “Jehová Diosbu huasida” cuidangabuga, ¿imadadi rrurranajurca?

Testigo de Jehovaguna, ñaupa tiempobi Diosda sirvijgunabu ejemploda catijushcada yachangabuga, cai VIDEODA rricui. Jipaga caimunda parrlaichi:

VIDEO: Diosda adorana huasigunada cuidashunchi (3:31)

• Salón del Reinoda limpio y arreglashca charinaga, ¿imamundadi importante gan?

• Canga, ¿imashinadi ayudai pudingui?

5. Huauquigunami ashtaun responsabilidadgunada charingabu esforzarina gan

Bibliaga huauquigunada espiritualmente shinchi tucush, congregaciongunada apoyallunmi animan. Shuj huauqui caida fajtachingabu esforzarishcada yachangabuga, cai VIDEODA rricui. Jipaga caimunda parrlaichi:

VIDEO: Huauquiguna espiritualmente shinchi tucungabu esforzarichi (5:23)

• Ryan shuti huauqui espiritualmente shinchiyangabu y congregacionda ayudangabuga, ¿imadadi rrurrarca?

Siervo ministerial o anciano tucungabu ima requisitogunada fajtachina gashcadaga Bibliami huillan. 1 Timoteo 3:1-13-da liyish, chaimunda parrlaichi:

• ¿Siervo ministerial o anciano tucungabu munaj huauquigunaga imadadi rrurrana gan?

• ¿Paigunabu familiagunash imadadi rrurrana gan? (Versículo 4 y 11-da rricui).

• Huauquiguna cai requisitogunada fajtachishaga, ¿imashinadi congregacionda ayudanga?

RESUMEN

Ñucunchi tiempoun, fuerzaun y charishca cosasgunaun congregacionda ayudangabu esforzarijpiga, Jehová Diosga ashcadami valoran.

Repaso

• Ñucunchi tiempoun y fuerzaunga, ¿imashinadi congregacionda ayudai pudinchi?

• Ñucunchi charishca cosasgunaunga, ¿imashinadi congregacionda ayudai pudinchi?

• Congregacionbiga, ¿imashina ayudanada munangui?

ASHTAUN YACHAI

Taita Dios, paibu sirvijgunada diezmoda na mañajta yachai.

“¿Qué dice la Biblia sobre el diezmo?” (Artículo de jw.org)

Bibliabiga bautizarishca huauquiguna huaquin responsabilidadgunada chari pudishcadami yachachin. Pero, huaquinbiga shuj pani huauquiguna charishca responsabilidadta fajtachingabuga, ¿imadadi rrurrana gan?

“El principio de autoridad en la congregación” (La Atalaya, febrero de 2021)

Cutishuj huauquipaniguna publicaciongunada charillun imashina huaquin testigoguna ayudajta rricui.

Se distribuyen publicaciones bíblicas en el Congo (4:25)

Testigo de Jehovaguna predicangabu cullquida maimunda llujchijta yachai.

“¿Cómo se financia la obra de los testigos de Jehová?” (Artículo de jw.org)