11-17 de agosto
Jesús shina causashunchi y predicashunchi (2025) | julio

11-17 DE AGOSTO

PROVERBIOS 26

Canto 88 y oración | Callari shimiguna (1 min.)

BIBLIABU VALISHCA YUYAIGUNA

1. Na alli yuyajgunamunda caruyashunchi

(10 mins.)

Na alli yuyajga ima respetoda charinada na miricirinllu (Pr 26:1; it-2-S 249 párr. 1).

Na alli yuyajgunaga huaquinbiga shinchi disciplinallunmi ministin (Pr 26:3; w87-S 1/10 19 párr. 12).

Na alli yuyajgunabiga na confiai pudinchillu (Pr 26:6; it-1-S 502 párr. 4).

¿CAIGA IMADADI NISHA NIN? Bibliabi na alli yuyajgunamunda parrlashaga alli yuyaida na chasquisha nijgunamundami parrlan, paigunaga Diosbu mandashcagunada na cazushmi causanajun.

Shuj joven huauquiga colegiobimi paibu compañeroguna celularda rricujujpimi valorda japish paigunamunda caruyan.

2. Bibliabi tiyaj valishca consejogunada mascashunchi

(10 mins.)

  • Pr 26:​4, 5. Cai ishqui textogunaga, ¿imamundadi na diferentes gan? (it-2-S 1143 párr. 4).

  • Cai semana Bibliada liyishaga, ¿ima valishca yuyaigunadadi tarishcangui?

3. Bibliada liyishunchi

(4 mins.) Pr 26:​1-20 (th lección 5).

ALLI YACHACHIJGUNA GASHUNCHI

4. Parrlash callari

(3 mins.) HUASIN HUASIN RRISH PREDICASHUNCHI. Parrlash callaringabu shuj tratadoda utilizai (lmd lección 1 punto 5).

5. Revisitagunada rrurrai

(4 mins.) HUASIN HUASIN RRISH PREDICASHUNCHI. Ñaupa visitabimi huasiyujga shuj tratadoda chasquirca. Chai temamunda parrlash cati (lmd lección 7 punto 4).

6. Jesusda catijguna tucullun ayudashunchi

(5 mins.) Quiquinbu estudiante paibu familiamun predicallun ayudai (lmd lección 11 punto 5).

JESUSBU EJEMPLODA CATISHUNCHI

Canto 94

7. Estudio personalta rrurrash “alli yachaida charinami salvarillun ayudanga”

(15 mins.) Tapuigunada rrurrash yachachi.

Huaquin fotoguna: 1. Shuj panimi paibu huasibi estudiajun. Paibu computadorabiga jw.org paginamunda señas shimibi shuj videoda rricujun. 2. Shuj huauquimi trabajobi samajush audifonoda churash celularbi Bibliada estudiajun. 3. Shuj mayor panimi paibu tabletbi JW Library aplicacionda utilizan. 4. Tandanajuibimi shuj mama paibu churiun tabletbi JW Library aplicacionda utilizanajun.

Timoteoga huahuamundapachami Diosbu shimimunda yacharca. Y apóstol Pabloga cai alli yachaiguna importante gashcadami yuyachirca. Porque “alli yachaida charinami salvarillun ayudanga” nirca (2Ti 3:15) Bibliabu yachachishcaguna valishca gashcamundami huauquipanigunaga cada uno Bibliada liyingabu y estudiangabu tiempoda surcuna importante gan. Pero, ¿estudianada na munashaga?

1 Pedro 2:​2-da liyi. Jipaga tapui:

  • ¿Bibliada estudiashaga, contentos sintirishunllu?

  • “Diosbu palabrada mascana” yuyaida charingabuga, ¿imadadi rrurrana ganchi? (w18.03-S 29 párr. 6).

  • Jehová Diosbu organizacionga huaquin ayudagunadami cushca, por ejemplo: JW Library® aplicaciondami cushca. Chaidaga, ¿imashinadi Bibliamunda ashtaun yachangabu utilizai pudinchi?

VIDEODA churai Diosbu pueblo rrurrashcaguna: Ideas para aprovechar bien JW Library. Jipaga tapui:

  • JW Library® aplicacionda utilizanaga, ¿imashinadi quiquinda ayudashca?

  • Cai aplicacionmundaga, ¿imadadi ashtaun munangui?

  • Cai aplicacionmundaga, ¿majin partegunada ashtaun yachanada munangui?

8. Tucuigunaun Bibliada estudiashunchi

(30 mins.) lfb lecciones 8, 9.

Tucuri shimiguna (3 mins.) | Canto 89 y oración

Temaguna
Tandanajuibi estudiana revista 2025 | mayo

Artículo de estudio 23: Agosto 11-17, 2025

26 Jehová shutidaga, ¿imashinadi ñucunchibu valishca gashcada rricuchi pudinchi?

Huaquin yuyaigunada liyina

Cai temamunda cutishuj yachaiguna