LECCIÓN 20
¿Congregacionga imashinadi organizashca gan?
Jehová Diosga shuj ordenado Diosmi gan (1 Corintios 14:33). Chaimundami paibu pueblo organizado gallun munan. ¿Imashinadi congregacionga organizashca gan? ¿Tucui alli llujshillun congregacionbiga imashinadi ayudai pudinchi?
1. ¿Congregaciondaga pidi mandajun?
“Cristoga congregacionbu umami gan” (Efesios 5:23). Mundo enterobi Jehová Diosbu pueblo ima rrurrajushcadami Jesusga jahua cielomunda rricurajun. Paigunada cuidallunmi “alli cazuj, allida yuyash sirvij esclavo” jarigunada nombrashca: chai ancianogunaga experienciada charij shuj uchilla grupomi gan, paigunadaga Cuerpo Gobernante nishmi rrijsinchi (Mateo 24:45-47-da liyi). Jerusalenbi primer siglobi ancianoguna y apostolguna shinami Cuerpo Gobernante mundo enterobi congregaciongunada ñaupujmun pushajun (Hechos 15:2). Pero cai jarigunaga ñucunchi organizacionbu mandajgunaga na ganllu. Jehová Diosbu palabrabimi ayudada mascanajun, shinalladi Jesusdami cazunajun.
2. ¿Ancianogunaga imadadi rrurranajun?
Ancianogunaga alli yuyaj jarigunami gan. Bibliada utilizashmi alli yachachin, congregaciondami cuidan, animan y ayudan. Paigunabu trabajomundaga nimada na cobranllu. Más bien, “Taita Diosbu ñaupujpiga tucui shungun rrurraichi ama cullquida japina munaimunda rrurraichillu, chaibu rrandiga empeñoun rrurraichi” nishcadami fajtachinajun (1 Pedro 5:1, 2). Ancianogunaga siervo ministerialgunabu ayudadami chasquin, paigunaga jipa ancianoguna tucui pudingabumi huaquin requisitogunada fajtachi pudin.
Cuerpo Gobernantemi huaquin ancianogunada superintendente de circuito shina sirvillun agllan. Cai huauquigunami huaquin congregaciongunada visitash ayuda y animoda cun. Shinalladi Bibliabu consejogunada catishmi anciano y siervo ministerial tucullun agllan (1 Timoteo 3:1-10, 12; Tito 1:5-9).
3. ¿Testigo de Jehovagunaga imadadi rrurran?
Tucuigunami congregacionbu tandanajuibi participash “Jehová Diosbu shutida” alabanchi. Shinalladi, predicacionmun llujshishmi cada uno imada rrurrai pudishcada rricuchinchi (Salmo 148:12, 13-da liyi).
CAI TEMAMUNDA MÁS YACHASHUNCHI
Jesús ima laya mandaj gashcada, ancianoguna imashina paibu ejemploda cati pudishcada, shinalladi Jesusda y ancianogunada imashina ayudai pudishcadami rricushun.
4. Jesusga sufrij gentegunada ayudan
Jesusga shuj juila invitaciondami rrurran. Mateo 11:28-30-da liyish, chaimunda parrlaichi:
¿Congregacionbi Jesusga ima laya pushajdi gan? ¿Genteguna imashina sintirillundi munan?
¿Ancianogunaga Jesusbu ejemplodaga imashinadi catinajun? VIDEODA rricui.
Bibliami ancianoguna imashina trabajana gashcadaga clarito yachachin.
Isaías 32:2 y 1 Pedro 5:1-3-da liyish, chaimunda parrlaichi:
Jesusga sufrijuj gentegunadami ayudarca. Ancianoguna Jesusbu ejemploda catingabu esforzarijta yachashaga ¿imashinadi sintiringui?
¿Imada ashtaun rrurrashti ancianoguna Jesusbu ejemploda catishcada rricuchin?
5. Ancianogunaga ejemploda churashmi yachachin
¿Jesusga ancianoguna paibu trabajoda imashina rricullun munan? VIDEODA rricui.
Congregacionda ñaupujmun apaj huauquiguna imashina gana gashcada Jesusga claritomi yachachirca. Mateo 23:8-12-da liyish, chaimunda parrlaichi:
¿Bibliaga ancianoguna imashina gana gashcadadi yachachin? ¿Sacerdoteguna y cutishuj líderes religiosoguna Biblia nishcagunada fajtachij gashcadallu cringui?
Ancianogunaga Jehová Diosmun ashtaun mayayash paibu amigo tucungabumi esforzarin, shinalladi paibu familiadash chaida rrurrallun ayudan.
Congregacionbi gajgunamundami ancianogunaga preocuparin.
Ancianogunaga siempremi predicacionmun llujshin.
Ancianogunaga alli yachachijgunami gan. Shinalladi limpiezabi y cutishuj rrurraigunabishmi ayudan.
6. Ancianogunadami ayudanchi
Bibliaga ancianogunada ayudallunmi aconsejan. Hebreos 13:17-da liyish, chaimunda parrlaichi:
¿Imamundadi Bibliaga ancianogunada uyallun, cazullun aconsejan? ¿Canga chaida rrurrana alli gashcadallu yuyangui? ¿Imamunda?
Lucas 16:10-da liyish, chaimunda parrlaichi:
¿Imamundadi ancianogunada uchilla decisiongunabish apoyana importante gashcada yuyangui?
HUAQUINGUNAGA NINMI: “Shuj religionbi ganaga na importantellu gan”.
¿Congregacionbi Diosda adorashaga imashinadi beneficiaringui?
RESUMEN
Jesusmi congregacionda ñaupujmun pushajun. Ancianogunaga Jesusdami cazunajun, chaimundami paigunada contentos ayudanchi, shinalladi paigunami ñucunchigunada cuidan y alli ejemploun yachachinajun.
Repaso
¿Congregaciondaga pidi ñaupujmun pushajun?
¿Congregacionda ancianogunaga imashinadi ayudan?
¿Jehová Diosda sirvijgunaga imadadi rrurrana ganchi?
ASHTAUN YACHAI
Cuerpo Gobernante y cutishuj ancianoguna huauquipanigunamunda de verdad preocuparishcada rricui.
Superintendente de circuito huauquiguna ima trabajoda rrurrashcada rricui.
La vida de un superintendente de circuito en una zona rural (4:51)
Huarmiguna congregación ucubi imashina ayudashcada liyi.
“¿Tienen ministras religiosas los testigos de Jehová?” (La Atalaya, 1 de septiembre de 2012)
Ancianoguna cutishuj huauquipanigunada animangabu imada rrurrai pudishcada rricui.
“Los ancianos cristianos, colaboradores para nuestro gozo” (La Atalaya, 15 de enero de 2013)