¿Taita Diosbu Gobiernollada apoyashcadaga imashinadi rricuchishun?

Jesusga paibu discipuloguna “cai mundobi causaj genteguna shina na gashcadami” yachachirca (Juan 15:19). Paigunaga Diosbu Gobiernollada apoyashcamunda o neutrales gashcamundami, politicagunabi ni guerragunabish na participan. Pero neutral ganaga na jahuallallu gan. Chaimundami huaquinbiga ñucunchigunamunda burlarin. Jehová Diosllada juyashcada y neutrales gashcadaga, ¿imashinadi rricuchi pudinchi?

1. ¿Verdadero cristianogunaga cai mundo gobiernogunada respetashcadaga imashinadi rricuchinchi?

Cristianogunaga gobiernogunadami respetanchi. Jesusga: “Cesarmun pagana gashcadaga Cesarmun pagaichi” nircami. Chaida fajtachingabumi: gobiernoguna churashca leygunada cazush impuestogunadash paganchi (Marcos 12:17). Bibliaga, Jehová Dios cai mundobi tucui gobiernoguna tiyallun saquishcadami yachachin (Romanos 13:1). Shinash cai mundobu gobiernoguna mandana autoridadta charijpish, Jehová Diosmi tucuimunda yalli autoridadta charin. Chaimundami Taita Diosbu Gobiernolla cai mundobi tiyaj illita problemagunada tucuchinada crinchi.

2. ¿Cai mundobu rrurraigunabi na tsagrurishcadaga imashinadi rricuchishun?

Jesús shinalladi, ñucunchigunash politicabi na tsagrurinchillu. Gentegunaga Jesús milagrogunada rrurrajta rricushmi rey tucullun munarca, pero paiga na munarcallu (Juan 6:15). ¿Imamunda? Pailladimi cashna nirca: “Ñucabu Gobiernoga cai mundobu parte na ganllu” (Juan 18:36). Jesusda catijgunaga neutrales gashcadami rricuchinchi. Por ejemplo, ñucunchigunaga guerramun na rrinchillu (Miqueas 4:3-da liyi). Escudogunada, banderagunada respetashash, chaigunadaga na adoranchillu (1 Juan 5:21). Ni majin partido politicobu, ni candidatogunabu favor o paigunabu contra na tucunchillu. Shina rrurrashmi Jehová Diosbu Gobiernollada apoyashcada rricuchinchi.

CAI TEMAMUNDA MÁS YACHASHUNCHI

3. Verdaderos cristianogunaga neutralesmi ganchi

Jesús y paibu discipulogunash alli ejemplodami saquirca. Romanos 13:1, 5-7 y 1 Pedro 2:13, 14-dash liyi. Jipaga VIDEODA rricush caimunda parrlaichi:

VIDEO: Verdaderos cristianogunaga neutralesmi ganchi (parte 1) (4:28)

• ¿Autoridadgunadaga imamundadi respetana ganchi?

• ¿Paigunada respetashcadaga imashinadi rricuchinchi?

Guerra tiempogunabiga huaquin paisgunaga neutrales ganchi ninmi, pero paigunabu rrurraigunaunmi na neutrales gashcada rricuchin. Shina rrurrashaga ¿de verdad neutrales gashcadallu rricuchin? Juan 17:16-da liyi. Jipaga VIDEODA rricush caimunda parrlaichi:

VIDEO: Verdaderos cristianogunaga neutralesmi ganchi (parte 2) (3:11)

• ¿Neutrales ganaga imadadi nisha nin?

Huaquinbiga autoridadgunaga Taita Dios mandashcagunada ama cazullunmi munan. Shina tucujpiga, ¿imadadi rrurrana ganchi? Hechos 5:28, 29-da liyi. Jipaga VIDEODA rricush caimunda parrlaichi:

VIDEO: Verdaderos cristianogunaga neutralesmi ganchi (parte 3) (1:18)

• Gobiernoguna churashca leyguna Jehová Dios mandashcagunaun na de acuerdo gajpiga, ¿majindadi cazuna ganchi?

• ¿Diosda sirvijgunaga imagunabidi autoridadgunada na cazuna ganchi?

4. Rrurrashcagunaun y yuyashcagunaun neutral gashcada rricuchi

1 Juan 5:21-da liyi. Jipaga VIDEODA rricush caimunda parrlaichi:

VIDEO: Verdaderos cristianogunaga na manchaj gana ganchi: Cai mundobu rrurraigunabi ama tsagruringabu (2:49)

• ¿Ayenge shuti huauquiga imamundadi politicabi na tsagrurirca y banderadash na saludarca?

• ¿Alli decisionda agllashcadallu yuyangui?

¿Ñucunchiga imagunabidi neutrales gashcada rricuchi pudinchi? VIDEODA rricush caimunda parrlaichi:

VIDEO: “La Atalaya” revistabu leccionguna: Cai mundobu cosasgunabiga na tsagrurinallu ganchi (5:16)

• ¿Juegos mundiales tiyajpiga imashinadi neutrales gashcada rricuchishun?

• ¿Politicogunabu decisionguna alli o na alli gajpish imashinadi neutrales gashcada rricuchishun?

• ¿Noticiagunada rricuna o ñucunchi rrijsishcagunabu opiniongunada uyanaga imashinadi ñucunchi neutralidadta afectai pudin?

RESUMEN

Diosda sirvijgunaga politicabi na tsagrurinchillu, shinami ñucunchi yuyashcaun, parrlashcaun, rrurrashcaunga neutrales gashcada rricuchinchi.

Repaso

• ¿Cai allpabi tiyaj gobiernogunada cazushcadaga imashinadi rricuchishun?

• ¿Imamundadi politicabiga na tsagrurinchi?

• ¿Ñucunchiga imagunabidi neutrales gashcada rricuchina ganchi?

ASHTAUN YACHAI

¿Neutrales gangabuga ima sacrificiogunadadi rrurrana ganchi?

Jehová nunca nos ha fallado (3:14)

¿Cai mundoun ama tsagruringabuga familiagunaga imashinadi neutrales gashcada  rricuchingabu prepararina gan?

Seamos neutrales en los eventos públicos (4:25)

Ashcagunabuga, paigunabu paisda difindinami importante gan, ¿pero chaiga ciertollu gan?

“Todas las cosas son posibles para Dios” (5:19)

¿Shuj trabajoda agllagrijushaga imashinadi cai mundobu parte na gashcada rricuchinchi?

“Cada uno llevará su propia carga de responsabilidad” (La Atalaya, 15 de marzo de 2006)

Diosda sirvijgunadaga jarcaigunada churash catirashmi llaquichinajunga. Chaida yachashaga, ¿mancharinallu ganchi?

1. Catirash llaquichijpiga, ¿imamundadi na mancharina ganchi?

Bibliaga cashnami nin: “Pish Jesús shina Taita Diosda sirvish causasha nishaga, catirash llaquichishcami ganga” (2 Timoteo 3:12). Jesusga na cai mundo genteguna shinallu garca, chaimundami paidaga catirash llaquichinajurca. Ñucunchigunadash, Jesusbu catijguna gashcamundami, cai mundobu gobiernoguna y panta religiongunaga catirash llaquichinajun (Juan 15:18, 19).

2. Narij catirash llaquichijpiga, ¿imadadi rrurrana ganchi?

Jehová Diosbi ashtaun confiangabumi esforzarina ganchi. ¿Caidaga imashinadi rrurrana ganchi? Cada funchami Diosda mañangabu, Bibliada liyingabu tiempoda surcuna ganchi. Shinalladi tucui tandanajuigunamun rringabumi esforzarina ganchi. Shinami familiaguna o cutishujguna Diosda ama sirvillun jarcajpi o catirash llaquichijpish aguantai pudishun. Apóstol Pablodaga catirashmi llaquichinajurca, chaimundami paiga cashna escribirca: “Jehová Diosmi ñucada ayudanga. Na manchashallu” (Hebreos 13:6).

Siempre predicacionmun llujshinami ama manchallun ayudanga. Predicacionmun llujshinami Jehová Diosbi confiallun y gentegunada ama manchallun ayudan (Proverbios 29:25). Cununmunda shinchi feda charingabu esforzarishaga, gobiernoguna jarcaigunada churajpish na manchashunllu (1 Tesalonicenses 2:2).

3. Catirash llaquichijpi aguantash catinaga, ¿imashinadi ayudanga?

Catirash llaquichillunga na munanchillu. Pero catirash llaquichijpi, aguantashaga ñucunchi fega ashtaun shinchimi tucunga. Ñucunchi propio fuerzaun ñaupujmun na cati pudishcada rricushaga, Jehová Diosmi fuerzada cush ayudanga (Santiago 1:2-4-da liyi). Ñucunchiguna sufrijujta rricushaga Jehová Diosga llaquirinmi, pero aguantash catijpiga contentomi sintirin. Chaimundami Bibliabiga cashna nin: “Alli rrurraigunamunda llaquigunada aguantajpiga, Taita Diosga demasmi contentarin” (1 Pedro 2:20). Jehová Diosmi llaquigunada aguantajgunamun y paida cazujgunamunga, para siempre causana oportunidadta cunga. Chaibi Diosbu contragunaga ña na tiyangallu, solo Jehová Diosdami adorashun (Mateo 24:13).

CAI TEMAMUNDA MÁS YACHASHUNCHI

4. Familiaguna jarcajpish aguantai pudinguimi

Jesusga ñucunchi propio familiami Jehová Diosda ama sirvillun jarcaigunada churanga nirca. Mateo 10:34-36-da liyish, chaimunda parrlaichi:

• Huaquinbi Jehová Diosda sirvinada decidijpiga, ¿familiaga imashinadi tratanga?

VIDEO: Jehovami ñucunchigunada cuidan (5:13)

• Shuj familia o amigo Jehová Diosda ama sirvillun jarcajpiga, ¿imadadi rrurrana gangui?

Salmo 27:10 y Marcos 10:29, 30-da liyish, chaimunda parrlaichi:

• Familiaguna o amigoguna Diosda sirvillun jarcajpish, ¿imashinadi cai promesa aguantallun ayudanga?

5. Catirash llaquichijpish Jehová Diosda sirvish cati

VIDEO: Catirash llaquichijpish na manchanallu ganchi (6:27)

• ¿Videobi rricushca shina ama manchangabuga imadi ayudanga?

Hechos 5:27-29 y Hebreos 10:24, 25-da liyish, chaimunda parrlaichi:

• ¿Autoridadguna predicallun o tandanajullun na saquijpish imamundadi Jehová Diosda sirvish catinaga importante gan?

6. Jehová Diosmi aguantallun ayudanga

VIDEO: Jehovami ñucada shinchiyachin (3:40)

• ¿Cai huauquipanigunada catirash llaquichijpish aguantallunga imadi ayudarca?

Romanos 8:35, 37-39, y Filipenses 4:13-da liyish, chaimunda parrlaichi:

• Cai textogunaga, ¿imashinadi llaquigunada aguantai pudillun ayudan?

Mateo 5:10-12-da liyish, chaimunda parrlaichi:

• ¿Catirash llaquichijpish imamundadi contento causai pudingui?

RESUMEN

Jehová Diosga, catirash llaquichijpish paida sirvingabu esforzarijta rricushaga ashcadami valoran. Paibu ayudaunmi aguantash cati pudinchi.

Repaso

• Diosda sirvijgunada catirash llaquichijta rricushaga, ¿imamundadi na mancharina ganchi?

• Narij catirash llaquichijpiga, ¿imashinadi prepararina gangui?

• Catirash llaquichijpish, ¿imamundadi Jehová Diosda sirvish catina gangui?

ASHTAUN YACHAI

Carcelbi gaj huauqui neutral gashcamunda, Jehová Dios imashina ayudashcada rricui.

Aguantemos a pesar de la persecución (2:34)

Shuj matrimonio jarcaigunada charijpish Jehová Diosda sirvish catillun ima ayudashcada yachai.

Servimos a Jehová durante tiempos de cambio (7:14)

Catirash llaquichijpi ama manchangabu imada rrurrana gashcada yachai.

“Preparémonos ahora para la persecución” (La Atalaya, julio de 2019)

Familiaguna Jehová Diosda ama sirvillun jarcaigunada churajpiga, ¿imadadi rrurrana ganchi? Jehová Diosdaga, ¿imashinadi tranquilo, shungumunda sirvi pudinchi?

“La verdad no trae ‘paz, sino espada’” (La Atalaya, octubre de 2017)