6. Bibliaga tucuigunabumi gan

Bibliaga tucui librogunamundami más traducishca gan, casi tucui gentegunami Bibliada charin. Hechos 10:34, 35-da liyish, chaimunda parrlaichi:

• ¿Diosga imamundadi paibu palabrada ashca idiomagunamun traducish, ashca genteguna charillun munan?

• ¿Bibliamundaga imadadi ashtaun yachanada munangui?

4. Tucuigunada igual tratashunchi

Tucui huauquipanigunada juyashcada rricuchingabumi munanchi. Pero cutishujguna diferente costumbregunada charishcamundami paigunaun alli apanaga shinchi rricuringa, ¿alli apanajungabuga imadi ayudanga? Hechos 10:34, 35-da liyish, chaimunda parrlaichi:

• Jehová Diosga tucui laya gentegunadami paibu sirvijguna tucullun agllashca. Caibi yuyai, ¿canga cutishuj gentegunada imashinadi tratana gangui?

• Can causashca lugarbiga, ¿diferente costumbreda charij gentegunadaga siemprellu alli tratan? ¿Canga imashinadi tratana gangui?

2 Corintios 6:11-13-da liyish, chaimunda parrlaichi:

• Huauquipanigunada ashtaun juyangabuga, ¿imadadi rrurrana gangui?