• Alli decisiongunada agllashunchi
    Para siempre contento alli causi, Bibliamunda yachana curso

    • 5. Cutishujgunabu concienciada respetai

      Tucuigunami diferenteguna gashcamunda diferente decisiongunada agllanchi. ¿Cutishujgunabu concienciada respetashcadaga imashinadi rricuchi pudinchi? Ishqui ejemplogunada rricushunchi.

      Punta ejemplo: Maquillajeda utilizaj shuj paniga cutishuj congregacionmunmi cambian, pero chai congregacionbi sirvij panigunaga maquillajeda utilizallunga na munanllu.

      Romanos 15:1 y 1 Corintios 10:23, 24-da liyish, chaimunda parrlaichi:

      • Cai textogunabi rricushca shinaga, ¿cai paniga ima decisiondadi agllai pudin? Cutishujgunabu conciencia chaida rrurrallun na saquijpi, pero canbu conciencia chaida rrurrallun saquijpiga, ¿imadadi rrurranguimun?

      Catij ejemplo: Shuj huauquiga Bibliabi ashalla tragoda ubiana na malo gashcadaga allimi yachan; pero paiga nimada na ubianadami decidin. Chai huauquida shuj fiestamun invitajpimi, cutishuj huauquipaniguna ashalla tragoda ubianajujta rricun.

      Eclesiastés 7:16 y Romanos 14:1, 10-da liyish, chaimunda parrlaichi:

      • Cai textogunabi rricushca shinaga, ¿cai huauquiga ima decisiondadi agllai pudin? Cutishujguna canbu conciencia na munashca cosasgunada rrurrajujta rricushaga, ¿imadadi rrurranguimun?

      ¿Alli decisiongunada agllangabuga imadadi rrurrana gangui?

      Shuj huarmiga Diosdami mañajun.

      1. Jehová Diosbu ayudada mañai, paibu ayudaunmi imada rrurranadaga yachashun (Santiago 1:5).

      Chai huarmilladimi Bibliabi, Bibliamunda publicaciongunabi y computadorabi informacionda mascajun.

      2. Informacionda mascai, Bibliabi y huaquin publicaciongunabi consejogunada mascai. Shinalladi experienciada charij huauquipanigunabu ayudadash mascai.

      Chai huarmilladimi yuyajun.

      3. Imada decidigrijushcabi yuyai, canbu decisión cutishujgunabu concienciada ama llaquichillun yuyai.