• ¿Bibliada estudiash catillunga imadi ayudanga?
    Para siempre contento alli causi, Bibliamunda yachana curso

    • 4. Canbu causaibi Bibliada estudiana importante gashcada rricui

      Huaquinbiga ashca cosasgunada rrurrana gashcamundami Bibliada estudiangabuga tiempoda na charinchi. ¿Imadadi rrurrai pudingui? Filipenses 1:10-da liyish, chaimunda parrlaichi:

      • Imada yuyangui, ¿ima cosasgunadi ashtaun importante gan?

      • Bibliada estudianada punta lugarbi churangabuga, ¿imadadi rrurrai pudingui?

      A. Shuj baldebi imashina yugzi allpaun y rrumigunaun jundachishca rricuchij imagenguna: 1. Shuj montón yugzi allpa y shuj montón rrumiguna. 2. Yugzi allpaga baldebi casi jundami gan. 3. Huaquin rrumigunaga yugzi allpa jahuabimi y cutishujgunaga balde jahuabimi sirijun. B. Huaquin imagenguna: 1. Chai montón yugzi allpalladi y chai montón rrumigunalladi. 2. Chai baldellabidimi rrumigunaga casi junda gan. 3. Rrumi junda baldebimi yugzi allpaga ujtugunabiga casi cabul yaicun. Ashalla yugzi allpami jahuabi puchun.

      1. Shuj baldebi yujzida jundachish rrumida saquisha nijpiga na yaicunllu.

      2. Pero, baldebi punta rrumigunada satijpiga casi cabul yujzimi yaicunga. Shinalladi ñucunchi causaibi “importante cosasgunada” punta lugarbi churajpiga cutishuj cosasgunada rrurrangabu suficiente tiempoda charishun.

      Bibliada estudianami alli sintiringabu, Diosda rrijsingabu, y paida adorangabu ayudan. Mateo 5:3-da liyish, chaimunda parrlaichi:

      • Bibliada estudianada punta lugarbi churashaga, ¿imashinadi beneficiarishun?