LECCIÓN 52
Alli parejarinaga, ¿imamundadi importante gan?
Imashina vistirinada o arreglarinamundaga cada unomi diferente munaigunada charinchi. Ropada churanamunda Bibliabu consejogunada cazushaga ñucunchilladimi alli sintirishun y Jehová Diosdashmi contentachishun. Chaimunda huaquin yuyaigunada rricushunchi.
1. ¿Alli arreglarillunga Bibliabu majin consejogunadi ayudanga?
Diosda sirvij, ima ropada churagrijushaga “alli rricushmi vistirina gan, na pinganaida, alli agllashmi arreglarina gan”. Ashtaunbish, “Taita Diosda sirvij gashcamunda” limpiomi causana ganchi (1 Timoteo 2:9, 10). Cai textomunda chuscu consejogunada rricushunchi. 1) Ñucunchi ropaga allimi gana gan. Jehová Diosbu pueblobiga diferente ropagunadami churari pudinchi, chaimundami tandanajuigunamunga alli mudarish rrinchi, pero ñucunchi ropa y arreglarishcaga Jehová Diosda respetashcadami rricuchina gan. 2) Alli yuyash arreglarishaga llutarishca o pinganai ropadaga na churashunllu, shinami ñucunchilladi na pingaibi saquirishun. 3) A la moda gaj pinganai ropada na churashaga alli yuyayuj gashcadami rricuchishun. 4) Ñucunchi churashca ropaga Jehová Diosda sirvijguna gashcadami rricuchina gan, shinami Jehová Diosda adorajguna gashcada cutishujgunamun rricuchishun (1 Corintios 10:31).
2. ¿Ñucunchi churashca ropaga imashinadi cutishuj huauquipanigunada afectan?
Ima laya ropada churanadaga cada unomi decidi pudinchi. Pero cutishujgunada ama pantachingabumi alli yuyash arreglarina ganchi. Chaimunda, “cada unomi cutishujguna alli sintirillun y paiguna shinchi tucullun allida rrurrangabu esforzarina ganchi” (Romanos 15:1, 2-da liyi).
3. ¿Ñucunchi ropaunga imashinadi cutishujguna Jehová Diosda rrijsillunmi ayudanchi?
Siempremi alli mudaringabu esforzarinchi. Pero tandanajuigunamun rringabu y predicacionmun llujshingabuga ima ropa churanada alli rricushmi agllanchi. Ñucunchibuga Jehová Diosbu alli noticiagunada huillanami ashtaun importante gan. Chaimundami “Diosbu yachachishcagunada jatunyachingabuga” alli yuyash arreglarinchi (Tito 2:10).
CAI TEMAMUNDA MÁS YACHASHUNCHI
Jehová Diosda sirvijgunaga ima laya ropada churana gashcada, shinalladi imashina arreglarina gashcadami rricushun.
Ñucunchi churashca ropami autoridadgunada respetashcada o na respetashcada rricuchinga. Jehová Diosga shungudami rricun, pero ñucunchi churashca ropaunmi paida respetashcada rricuchinchi.
4. Alli arreglarishaga Jehová Diosda respetashcadami rricuchishun
¿Imamundadi alli arreglaringabu esforzarinchi? Salmo 47:2-da liyish, chaimunda parrlaichi:
Ñucunchi vistirishcaunga, ¿imashinadi Jehová Diosda sirvijguna gashcada rricuchinchi?
¿Imamundadi tandanajuigunamun y predicacionmunga alli arreglarishca rrina ganchi? ¿Imamundadi shina yuyangui?
5. ¿Imashinadi alli arreglarina y alli ropada agllana ganchi?
Valishca ropada churanaga na importantellu gan, chaibu rrandiga limpio y alli ropada churanami alli gan. 1 Corintios 10:24 y 1 Timoteo 2:9, 10-da liyi. Jipaga imamunda cai ropada na churana gashcada parrlaichi...
... ¿Imamundadi pinganai, lliqui o jarca ropada na churana gashcada yuyangui?
... ¿Imamundadi demas ajustado o cuerpoda rricuchij ropada na churana gashcada yuyangui?
Cunun funchabiga Moisesmun cushca leydaga na catinchillu, pero cai leygunami Jehová Dios imada yuyashcada yachallun ayudan. Deuteronomio 22:5-da liyish, chaimunda parrlaichi:
¿Imamundadi jarigunaga huarmi laya o huarmigunaga jari laya arreglarinaga na alli gan?
1 Corintios 10:32, 33 y 1 Juan 2:15, 16-da liyish, chaimunda parrlaichi:
Ñucunchi causashca lugarbi genteguna o huauquipaniguna ñucunchi churashca ropada na munajpiga, ¿imadadi rrurrana ganchi? ¿Imamunda?
¿Can causashca lugarbi gentegunaga ima laya ropadadi churanajun?
¿Tal vez chai ropaga Diosda sirvijgunabu na alli gashcadallu yuyangui? ¿Imamundadi shina yuyangui?
Jehová Diosda contentachingabuga alli mudarishmi arreglarina ganchi.
HUAQUINGUNAGA NINMI: “Ñucaga ima munashca ropadami churani”.
¿Canbish shinallu yuyangui? ¿Imamunda?
RESUMEN
Alli yuyash arreglarish y limpio ropada churashaga Jehová Diosda y cutishujgunada respetashcadami rricuchinchi.
Repaso
Jehová Diosga, ¿imamundadi alli arreglarillun munan?
Alli mudaringabuga ¿Bibliabu majin consejogunadi ayudanga?
Cutishujguna Jehová Diosmun mayayallun munashaga, ¿imashinadi arreglarina ganchi?
ASHTAUN YACHAI
Can churashca ropada genteguna rricushaga, ¿imadadi yuyanga?
Tatuajeda rrurrana imamunda na alli gashcada yuyai.
“¿Hay algo de malo en hacerse tatuajes?” (Artículo de jw.org)
Alli decisiongunada japingabuga Bibliabu consejogunada cati.
“¿Da gloria a Dios nuestra forma de vestir?” (La Atalaya, septiembre de 2016)
Cutishujguna imashina vistirishcada respetoun rricullunga, ¿imadi shuj huarmida ayudarca?
“El arreglo personal era mi piedra de tropiezo” (¡Despertad!, 22 de diciembre de 2003)