Jehová y Jesusda agradecidos gashcada rricuchishunchi

¿Canbu amigo shuj sumaj regaloda cujpiga imashinadi sintiringui? Seguro contento sintirish canbu amigomun chai regaloda valorashcada rricuchisha ningui. Jehová y Jesusmi ñucunchigunamun tucuimunda yalli valishca regaloda cushca, chai regaloga: “Jesús huañushca sacrificiomi gan”. Agradecidos gashcada imashina rricuchi pudishcadami yachashun.

1. ¿Dios y Jesús ñucunchigunamun cushca regaloda valorashcadaga imashinadi rricuchi pudinchi?

Bibliabiga ninmi: “Majinbish Paibi feda rricuchijga” para siempremi causai pudinga (Juan 3:16). ¿Imashinadi Jesusbi feda charishcada rricuchinchi? Na solo crinalla ganchi; ashtaunsh ñucunchi rrurraigunaun, ima decisionda japishmi paibi crishcada rricuchinchi (Santiago 2:17). Ñucunchi rrurraigunaun y palabragunaunmi Jesusbi y Jehová Diosbi feda charishcada rricuchinchi, shinami paigunaun alli amistadta chari pudishun (Juan 14:21-da liyi).

2. ¿Ima funchadi Jehová y Jesusda agradecidos gashcada rricuchi pudinchi?

Jesús huañungabu shuj tuta faltajpimi, paibu catijgunamun pai huañushcamunda imashina agradecidos gashcada rricuchillunmi yachachirca. Bibliabiga chai especial tutadaga “la Cena del Señor” o Jesús huañushcada yuyarina tandanajui nishmi rrijsichin (1 Corintios 11:20). Chai especial tutadaga paibu apostolguna y verdadero cristianogunaga Jesús gentegunamunda huañushcada yuyarillunmi callarichircada. Cai tandanajuimunda parrlashmi, Jesusga mandarca: “Caidaga ñucada yuyarish rrurringuichilla” (Lucas 22:19). Jesús huañushcada yuyarina tandanajuimun rrishmi Jehová y Jesusbu juyaida valorashcada rricuchingui.

CAI TEMAMUNDA MÁS YACHASHUNCHI

3. ¿Agradecidos gashcadaga imashinadi rricuchinchi?

Por ejemplo, ¿can yacubi ahogarijujpi shuj jari canda salvajpiga imashinadi sintiringuimun? ¿Pai canda ayudashcadaga cungaringuillu? ¿O imashinadi agradecido gashcada rricuchinguimun?

Ñucunchigunaga Jehová Diosmundami causanchi. 1 Juan 4:8-10-da liyish, chaimunda parrlaichi:

• ¿Jesusbu sacrificioga imamundadi shuj valishca regalo gan?

• ¿Jehová y Jesús canmunda chaida rrurrashcada yachashaga imashinadi sintiringui?

¿Jehová y Jesús caida ñucunchimunda rrurrashcada yachashaga imashinadi agradicinchi? 2 Corintios 5:15, shinalladi 1 Juan 4:11 y 5:3-da liyi. Cada versiculogunada liyishca jipa, chaimunda parrlaichi:

• ¿Imashinadi agradecidos gashcadaga rricuchi pudinchi?

4. Jesusbu ejemplodami catinchi

Jesusbu ejemploda catishmi agradecidos gashcada rricuchinchi. 1 Pedro 2:21-da liyish, chaimunda parrlaichi:

• ¿Canga imashinadi Jesusbu alli ejemploda cati pudingui?

5. Jesús huañushcada yuyarina tandanajuidami rrurranchi

Primera vez la Cena del Señorda rrurrashcabi ima pasashcada ashtaun yachangabuga, Lucas 22:14, 19, 20-da liyi. Jipaga chaimunda parrlaichi:

• ¿Cena del Señor nishcabiga imadi pasarca?

• ¿Tanda y vinoga imadadi rricuchin? (Versículos 19 y 20-da rricui).

Jesusga paibu discipuloguna la Cena de Señor nishcada, cada huata chai fechalladi yuyarillunmi mandarca. Chaimundami testigo de Jehovagunaga cada huata Jesús huañushcada yuyaringabu tandanajunchi, Jesús yachachishca shinami rrurranchi. Cai importante tandanajui imashina gashcada yachangabuga, VIDEODA rricui. Jipaga caimunda parrlaichi:

VIDEO: Jesús huañushcada yuyarishunchi (1:42)

• ¿Jesús huañushca yuyarina tandanajuiga imashinadi gan?

Tandaga Jesusbu jucha illaj cuerpodami rricuchin. Y vinoga Jesusbu yahuardami rricuchin.

RESUMEN

Jesusbi feda churash y Jesús huañushcada yuyarina tandanajuimun rrishmi agradecidos gashcada rricuchinchi.

Repaso

• ¿Jesusbi feda charishcadaga imashinadi rricuchingui?

• ¿Jehová y Jesús canda ayudashcamunda agradicinada munanguillu? ¿Imadadi rrurranguimun?

• ¿Imamundadi Jesús huañushcada yuyarina tandanajuimun rrinaga importante gan?

ASHTAUN YACHAI

Jesús huañushcamunda imada rrurrana gashcada uyai.

Jesús honró a Jehová con su cuerpo (9:28)

Fe ima gashcada, shinalladi fe charishcada imashinadi rricuchi pudishcada yachai.

“Ejerzamos fe en las promesas de Jehová” (La Atalaya, octubre de 2016)

Jesús huañushcada yachana shuj huarmida imashina ayudashcada rricui. Paibu causaimundaga “Cununga alli, tranquila y en pazmi causani” nishca partebi liyi.

“La Biblia les cambió la vida” (La Atalaya, 1 de agosto de 2011)

Conmemoracionbi imamunda huaquingunalla tandada micujta y vinoda ubiajta rricui.

“¿Por qué los testigos de Jehová celebran la Cena del Señor de forma diferente a otras religiones?” (Artículo de jw.org)