Cuerpo Gobernantemunda carta

“Yachachijgunami gana ganguichi” (Heb. 5:12). Jehová Diosllami alli yachachij gan. Paimi cutishuj gentegunamun, ñucunchi paimunda ima yachashcada predicallun invitashca. Jehová Diosmunda familia ucubi, congregacionbi o predicacionbi yachachinaga shuj privilegio y jatun responsabilidadmi gan. Pero ¿imashinadi alli yachachijguna tucui pudinchi?

Respuestadaga apóstol Pablo Timoteomun escribishca shimigunabimi tari pudinchi: “Alli liyingabu, aconsejangabu y yachachingabu esforzarish cati”. Y jipaga caidami nirca: “Shina rrurranadaga ama saquinguillu, shinami canda uyajgunadabish salvangui y canbish salvaringui” (1 Tim. 4:13, 16). Predicashmi genteguna salvarillun ayudanchi. Chaimundami alli liyij y alli yachachijguna gangabu esforzarinaga importante gan. Caida fajtachi pudingabumi cai folletoga ayudanga. Cai folleto imashina rrurrashca gashcada rricushun.

Leccionda alli intindingabumi shuj texto o ejemplo tiyan.

Jehová Diosmi “Alli Yachachij” gan (Is. 30:20). Cai folletounmi alli liyij y alli yachachij tucungabu mejorai pudingui. Pero Jehová Diosmundami yachachinchi y paillami genteguna paimun mayayallun ayudai pudin, chaidaga na cungarinallu gangui (Juan 6:44). Chaimundami Jehová Diosbu espíritu santodaga siempre mañarana gangui. Bibliaun yachachingabumi siempre esforzarina gangui. Canda jatunyachillunga na saquinallu gangui. Más bien, Jehová Dios yachachijushcadami rricuchina gangui, genteguna Jehová Diosda shungumunda juyai pudillunmi tucui pudirishcada rrurrana gangui.

Na huillashca alli noticiagunada mundo enterobi, cunun tiempo predicallunmi Taita Diosga quiquinda invitashca. Taita Dios “cushca fuerzabi” confiashaga imadash alli rrurrai pudishcadami crinchi (1 Ped. 4:11).

Yachachina obrabi ayudaj quiquingunabu huauquiguna

Testigo de Jehovagunamunda Cuerpo Gobernante