¿Jesús huañushcamundaga imashinadi beneficiarinchi?

Punta pareja Adán y Eva Taita Diosdami na cazushcamundami juchayujgunami tucunchi, sufrinchi y huañunchi.a Pero shuj esperanzadami charinchi, Jehová Diosga juchamunda, huañuimunda salvangabumi paibu churi Jesucristoda cachashca. Bibliabiga Jesús paibu causaida cush, huañush gentegunada salvashcadami yachachin. Por ejemplo, pida secuestrajpiga cullquida pagashmi salvai pudinchi, Jesusbish paibu jucha illaj causaida cushmi, chai cullquida pagaj shina ñucunchigunada juchamunda, huañuimunda salvarca (Mateo 20:28-da liyi). Jesusga gentegunamunda huañushmi cai allpabi para siempre ña na causanada decidirca, caida rrurrashmi Adán y Eva chingachishca bendiciongunada, gentegunada cutindi charillun ayudarca. Shinami Jehová Dios y Jesusbish ñucunchigunada juyashcada rricuchinajurca. Cai leccionmi Jesusbu huañuimunda agradecidos gallun ayudanga.

1. Jesús huañushcamunda cunun funchagunabiga, ¿imashinadi beneficiarinchi?

Juchayujguna gashcamundami Jehová na munashca cosasgunada rrurranchi, pero ñucunchi juchagunamunda de verdadta arrepentirish, Jehová Diosda Jesusbu shutibi perdonabai nish mañashaga, Taita Diosbu amigomi tucui pudinchi, shinalladi cutindi ama pantaringabumi esforzarina ganchi (1 Juan 2:1). Bibliabiga ninmi: “Cristoga juchada para siempre chingachingabumi shuj vueltallami huañurca, canguna Taita Diosun alli tucullunmi, allida rrurraj shujlla jariga na allida rrurrajgunamunda huañurca” (1 Pedro 3:18).

2. Jesús huañushcamundaga shamuj funchagunabi, ¿imashinadi beneficiarishun?

Jehová Diosga paibu jucha illaj churibu causaida cushcamundami “majinbish Paibi [Jesusbi] feda rricuchijga na tucuchishca gallun, sino para siempre causaida charillun” (Juan 3:16). Jesusbu sacrificiomundami Jehová Diosga Adanbu culpamunda tiyashca tucui llaquigunadaga ñalla tucuchinga, chaimundami Jesús rrurrashca sacrificiobi feda charishaga, cai allpa paraíso tucujpimi para siempre causana oportunidadta charishun (Isaías 65:21-23).

CAI TEMAMUNDA MÁS YACHASHUNCHI

3. Jesús huañushcamundami juchamunda, huañuimunda salvarinchi

VIDEO: ¿Jesusga imamundadi huañurca? (Parte 1) (2:01)

• Adán Taita Diosda na cazushcamundami, ¿ima laya causaida perrdirca?

Romanos 5:12-da liyish, chaimunda parrlaichi:

• Adán juchada rrurrashcamunda, ¿ñucunchigunaga imashinadi causanchi?

Juan 3:16-da liyish, chaimunda parrlaichi:

• Jehová Diosga, ¿imamundadi paibu churida cai allpamun cacharca?

1. Adanga shuj perfecto jarimi garca, pero Taita Diosda na cazushcamundami tucui gentegunada juchamun, huañuimun aparca.

2. Jesusga shuj perfecto jarimi garca, paiga Taita Diosdaga tucuibimi cazurca, shinami tucui genteguna jucha illaj tucush para siempre causai pudillun, alli ñanda rricuchirca.

4. Jesús paibu causaida cush huañushcamundami tucuiguna beneficiari pudinchi

VIDEO: ¿Jesusga imamundadi huañurca? (Parte 2) (2:00)

• ¿Imashinadi Jesusbu huañuimundaga tucui genteguna beneficiarinchi?

1 Timoteo 2:5, 6-da liyish, chaimunda parrlaichi:

• Adanga shuj perfecto jarimi garca, juchabi urmashmi tucui gentegunada juchamun, huañuimun aparca. Jesusbish shuj perfecto jarimi garca, paiga gentegunada salvangabuga, ¿imadadi rrurrarca?

5. Jehová Dios Jesusbu causaida cushcaga valishca regalomi gan

Jehová Diosbu amigogunaga Jesusbu sacrificiodaga valishca regaloda shinami rricun. Chaida ashtaun intindingabuga, Gálatas 2:20-da liyish, chaimunda parrlaichi:

• Apóstol Pabloga Jesusbu sacrificioda valorashcamunda, ¿imadadi nirca?

Adán juchada rrurrashcamundami paibu huahua huahuagunabish huañuna garca. Pero Jehová Diosga, paibu churi cai allpabi huañullumi cacharca. Chaimundami canga cai allpabi para siempre causana oportunidadta charingui.

Cai versiculogunada liyijushaga, paibu churi sufrijujpi Jehová imashina sintirishcada yuyai. Juan 19:1-7 y 16-18-da liyish, chaimunda parrlaichi:

• Jehová y Jesús canmunda chaida rrurrashcada yachashaga, ¿imashinadi sintiringui?

RESUMEN

Jesús huañushcamundami Jehová Diosga ñucunchi juchagunada perdonan, y para siempre causana oportunidadta cun.

Repaso

• ¿Jesusga imamundadi huañurca?

• ¿Imamundadi Jesusbu jucha illaj causaiga gentegunada salvarca ninchi?

• ¿Jesús huañushcamundaga imashinadi beneficiaringui?

ASHTAUN YACHAI

Jesusbu jucha illaj causai imashina salvai pudishcada yachai.

“¿En qué sentido es el sacrificio de Jesús un ‘rescate por muchos’?” (Artículo de jw.org)

Salvaringabu imada rrurrana gashcada yachai.

“¿De qué manera nos salva Jesús?” (Artículo de jw.org)

¿Jatun pecadogunadash Jehová Diosga perdonanllu?

“Preguntas sobre la Biblia” (La Atalaya, 1 de mayo de 2013)

Jesusbu sacrificiomunda yachana imashina shuj jarida cambiangabu ayudashcada rricui.

“Cununga imamundash ña na coleranillu” (Artículo de jw.org)