LECCIÓN 34
¿Imashinadi Jehová Diosda juyashcadaga rricuchi pudinchi?
¿Bibliada estudiai callarishcamundallu Jehová Diosmun ashtaun mayayashcada sintingui? ¿Diosun ashtaun alli apanadallu munangui? Shina rrurrajpiga, Jehová Dios paida juyashcada rricushaga candashmi ashtaun juyash cuidanga. ¿Diosda juyashcadaga imashinadi rricuchi pudingui?
1. ¿Imashinadi Jehová Diosda juyashcadaga rricuchinchi?
Cazushmi paida juyashcada rricuchinchi (1 Juan 5:3-da liyi). Pero paida cazullunga na obliganllu. Chaibu rrandiga ñucunchilladi paida cazunada o na cazunada decidillunmi saquin. ¿Imamunda? Jehová Diosga “shungumunda cazuna” ganguichi ninmi (Romanos 6:17). Paiga na obligacionmunda sino juyaimundami cazullun munan. Cai libromunda parte 3 y 4-ga Jehová Diosda ashtaun juyangabumi ayudanga: chaibuga pai munashcadami rrurrana ganchi y pai millanachishcadami na rrurrana ganchi.
2. ¿Imamundadi Jehová Diosda juyashcada rricuchinaga na fácil gan?
“Allida rrurrajgunabu llaquigunaga ashcami” gan (Salmo 34:19). Tucuigunami juchayujguna gashcamunda malo yuyaigunaun peleaj shina causanchi. Shinalladi, cullquimunda, injusticiamunda y cutishuj cosasgunamundash problemagunadami charinchi. Llaquigunada charishmi Jehová Diosda cazuna tal vez na fácil rricuringa. Shina pasajujpiga Jehová Diosda na cazunami fácil rricuringa. Pero Jehová Diosda cazungabu esforzarishmi paida tucui shungun juyashcada rricuchingui. Shinalladi, paillada sirvinada munashcadami rricuchingui. Can shina rrurrajpiga Jehová Diosbish candaga nunca na saquingallu (Salmo 4:3-da liyi).
CAI TEMAMUNDA MÁS YACHASHUNCHI
Jehová Diosda cazuna imamunda importante gashcada, shinalladi ñucunchiguna paillada sirvillun ima ayudaguna tiyashcadami yachashun.
3. Diabloga candashmi juchachishca
Bibliabi Job librobiga, Diablomi Jobmunda llullagunada nirca nin, pero na solo Jobmunda llullagunada nirca, sino Jehová Diosda tucui sirvijgunamundami llullagunada nirca. Job 1:1 y 1:6-2:10-da liyish, chaimunda parrlaichi:
Según Diabloga, ¿imamundadi Jobga Jehová Diosda cazurca? (Job 1:9-11-da rricui).
¿Diabloga ima llullagunadadi tucui gentegunamunda y canmunda nirca? (Job 2:4-da rricui).
Job 27:5 tucuri parteda liyish, chaimunda parrlaichi:
¿Imashinadi Jobga Jehová Diosda de verdad juyashcada rricuchirca?
Jehová Diosllada sirvishmi Jobga Diosda juyashcada rricuchirca.
Ñucunchish Jehová Diosllada sirvishmi paida juyashcada rricuchinchi.
4. Jehová Diosbu shunguda contentachi
Proverbios 27:11-da liyish, chaimunda parrlaichi:
¿Jehová Dios paida cazush alli decisiongunada agllajpiga, imashinadi sintirin? ¿Imamunda?
5. Canga solo Jehová Diosdami shungumunda sirvina gangui
Jehová Diosda juyashcamundami cutishujgunamun paimunda parrlanchi. Jehová Diosda shungumunda juyashmi difícil gajpish paida cazui pudishun. VIDEODA rricush caimunda parrlaichi:
¿Jehová Diosmunda cutishujgunamun parrlanaga shinchillu gan?
Videobi rricushca shinaga, ¿imashinadi Grayson paibu manchaigunada vincirca?
Jehová Dios munashca cosasgunada munashmi, pai shina na munashca cosasgunada na rricunachishun. Salmo 97:10-da liyish, chaimunda parrlaichi:
Caigama imada yachajushcada yuyash, cai tapuigunada rrurrai, ¿Jehová Diosga ima cosasgunadadi munan? ¿Paiga ima cosasgunadadi na rricunayachin?
¿Imashinadi malo cosasgunada fiñanada, y alli cosasgunada juyanada yachai pudingui?
6. Jehová Diosllada cazushmi alli causashun
Jehová Diosda cazunami siempre alli gan. Isaías 48:17, 18-da liyish, chaimunda parrlaichi:
¿Jehová Dios ñucunchigunabu ima alli gashcada yachashcadallu cringui? ¿Imamundadi shina yuyangui?
¿Jehová Diosmunda yachanaga, imashinadi canda ayudashca?
HUAQUINGUNAGA NINMI: “Ñuca imada rrurrajpish, Taita Diosbuga na importanllu”.
¿Ñucunchi comportamiento Jehová Diosbu importante gashcada rricuchingabuga, majin textodadi utilizanguimun?
RESUMEN
Ima problemagunada charishash Jehová Diosda cazushmi paida juyashcada rricuchingui.
Repaso
¿Jobbu ejemploga imadadi yachachin?
¿Imashinadi Jehová Diosda juyashcada rricuchingui?
¿Jehová Diosllada sirvish catingabuga imadi ayudanga?
ASHTAUN YACHAI
Jehová Diosda y congregacionda imashina cazui pudishcada rricui.
Diablo ima llullagunada nishcamunda ashtaun yachai.
Huahuagunash Jehová Diosda juyai pudishcada rricui.
Cutishuj jovenguna na alli cosasgunada rrurrallun nijpiga, Jehová Diosda sirvij jovengunaga ¿imashinadi Diosda cazushcada rricuchi pudin?