LECCIÓN 46
¿Diosda sirvingabuga imamundadi mingarina y bautizarina ganchi?
Majinbish Jehová Diosda sirvingabu mingarijushaga, shuj oracionda rrurrashmi Jehová Diosllada adorasha, paidami tucui causaibi sirvisha nish promitin (Salmo 40:8). Bautizarishaga Jehová Diosmun ña mingarishcadami rricuchin. Jehová Diosmun mingarinaga importante decisionmi gan. Cai decisionmi ñucunchi causaida cambian. ¿Chai decisión agllallunga imadi ayudanga?
1. ¿Jehová Diosmun mingarillunga imadi ayudanga?
Jehová Diosda juyashcamundami mingarinchi (1 Juan 4:10, 19). Bibliabiga: “Canbu Taita Jehová Diosda tucui shungun, tucui almaun, tucui yuyaiun y tucui fuerzaun juyangui” nin (Marcos 12:30). Ñucunchi nishcagunaun y rrurraigunaunmi Jehová Diosda juyashcada rricuchinchi. Por ejemplo, shuj parejaga juyaimundami cazaranada decidin, shinalladi ñucunchish Jehová Diosda juyashcamundami mingarinada y bautizarinada decidinchi.
2. ¿Jehová Diosga paida sirvingabuga bautizarij testigogunadaga, imashinadi bendician?
Bautizarishaga, Jehová Diosbu familiami tucungui, shinami Jehová Dios canda juyashcada y canbu ladobi gashcada sintingui (Malaquías 3:16-18-da liyi). Jehová Diosmi canbu Taita laya tucunga, shinalladi mundo enterobimi Diosda y canda juyaj huauquipanigunada charingui (Marcos 10:29, 30-da liyi). Narij bautizarishmi, Jehová Diosda rrijsina, juyana y paibu churibi feda charina gangui. Shinalladi, canbu causaibi Jehová Diosda sirvisha nishmi promitina gangui. Chaida rrurrash bautizarishaga, para siempre causana bendiciondami chasquingui. Bibliaga: “Bautizarinami [...] cununbish cangunada salvajun” nin (1 Pedro 3:21).
CAI TEMAMUNDA MÁS YACHASHUNCHI
Jehová Diosda sirvingabu imamunda mingarina y bautizarina gashcadami rricushun.
3. Tucuigunami majinda sirvinada decidina ganchi
Ñaupa funchagunabi Israel llactabi causaj gentegunaga, Jehová Diosda y Baal yanga diosdabish adoranaga alli gashcadami yuyanajurca, pero pantarinajurcami. Chaimundami Jehová Diosga paibu profeta Eliasda ayudallun cacharca. 1 Reyes 18:21-da liyish, chaimunda parrlaichi:
¿Israelitagunaga imadadi decidina garca?
Ñucunchigunash israelitaguna shinami pida sirvina gashcada decidina ganchi. Lucas 16:13-da liyish, chaimunda parrlaichi:
¿Jehová Diosda adorajushaga imamundadi cutishuj cosasgunadaga na adorana ganchi?
Jehová Diosda adorajushcada rricuchingabuga ¿imadadi rrurrana ganchi?
4. Jehová canda juyashcada yuyai
Jehová Diosga ashca valishca regalogunadami cushca. ¿Ñucunchigunaga paimunda imadadi rrurrai pudinchi? VIDEODA rricui.
¿Jehová Dios canda juyashcadaga, imashinadi rricuchishca? Salmo 104:14, 15 y 1 Juan 4:9, 10-da liyish, chaimunda parrlaichi:
Jehová Dios cushca regalogunamundaga, ¿majindadi ashtaun munangui?
Chai regalogunamundaga, ¿imashinadi sintiringui?
Majinbish ñucunchi munashca regaloda convidajpiga, agradecidos gashcada rricuchingabumi munanchi. Deuteronomio 16:17-da liyish, chaimunda parrlaichi:
Jehová Dios ñucunchigunamun ima cushcada yuyarishaga, ¿paimundaga imadadi rrurranada munangui?
5. Mingarishaga ashca bendiciongunadami chasquingui
Ashca gentegunami famoso tucush, alli profesión o cullquida charish contentos causai pudishun nin. ¿Pero chaiga ciertollu gan? VIDEODA rricush caimunda parrlaichi:
Videobi rricushca huauqui futbolista gashash, ¿imamundadi chai profesionda saquinada decidirca?
Paiga futbolda llancanabu rrandiga Jehová Diosda sirvinadami decidirca. ¿Alli decisionda agllashcadallu yuyangui? ¿Imamunda?
Apóstol Pablo, Taita Diosda narij sirvishaga alli profesiondami charirca. Paiga ley judiada alli yachachij profesorunmi estudiashca garca. Pero Jehová Diosda sirvingabumi tucui chai cosasgunada saquirca. ¿Jipaga arrepintirircallu? Filipenses 3:8-da liyish, chaimunda parrlaichi:
Apóstol Pablo punta charishca cosasgunadaga, ¿imamundadi “basura montón” shina gashcada nirca?
Punta charishca cosasgunada saquishcamundaga, ¿ima bendiciongunadadi chasquirca?
¿Jehová Diosda sirvishaga alli causanadallu yuyangui? ¿Imamundadi shina yuyangui?
Apóstol Pablo Taita Diosda sirvishmi, ashca bendiciongunada chasquirca.
HUAQUINGUNAGA NINMI: “Diosdaga deganami sirvingui”.
¿Jehová Diosda sirvina alli gashcadallu yuyangui? ¿Imamunda?
RESUMEN
Jehová Diosda juyashcamundami, paida sirvingabu mingarish bautizarinchi.
Repaso
¿Jehová Diosdaga imamundadi tucui shungun juyana y adorana ganchi?
¿Jehová Diosga bautizarishca testigogunamunga imashinadi bendician?
¿Jehová Diosmun mingarish bautizarinadaga munanguillu?
ASHTAUN YACHAI
Shuj cantante y shuj deportista imamunda Taita Diosda sirvingabu decidishcada rricui.
Los jóvenes preguntan... ¿Qué haré con mi vida? Al mirar atrás... (6:54)
Jehová Diosmun mingarish bautizaringabuga huaquin yuyaigunada rricui.
“¿Por qué hay que dedicarse a Jehová?” (La Atalaya, 15 de enero de 2010)
Cai video musicalbi Jehová Diosda sirvina contento sintirillun ayudashcada rricui.
Shuj huarmi imamunda paibu causaida cambianada decidishcada rricui “Paiga ashca huatagunadami imabu causanchi” nish tapurirca.
“La Biblia les cambió la vida” (La Atalaya, 1 de noviembre de 2012)