LECCIÓN 36
Tucuibi honrados gashunchi
Tucuigunami honrado amigogunada charinada munanchi, Jehová Diosbish paibu amigoguna honrados gallunmi munan. Pero cai mundobi malo genteguna tiyashcamundami honrados ganaga na fácil gan. ¿Tucuibi honrados ganaga allillu gan? ¿Ima beneficiogunadadi charishun?
1. ¿Honrados ganaga imamundadi importante gan?
Cutishujgunaun honrados gashmi, Jehová Diosda juyashcada y respetashcada rricuchinchi. Jehová Diosga ñucunchiguna imada rrurrajta imada yuyajtaga allimi yachan (Hebreos 4:13). Honrados gangabu esforzarijpiga, paiga ashcadami valoran. Bibliabiga: “Jehová Diosga malo gentegunadaga na rricunachinllu, pero paida cazujgunaunga alli amistadtami charin” nin (Proverbios 3:32).
2. ¿Ñucunchi causaibiga imabidi siempre honrados gana ganchi?
Jehová Diosga “caishuj chaishuj ama llullash” causallunmi munan (Zacarías 8:16, 17). ¿Imashinadi caidaga fajtachi pudinchi? Familiagunamun, trabajobi compañerogunamun, congregacionbi huauquipanigunamun y autoridadgunamunbish na llullanallu ganchi. Honrado gentegunaga na llullanllu, na shuhuanllu (Proverbios 24:28 y Efesios 4:28-da liyi). Shinalladi, impuestogunadashmi pagan (Romanos 13:5-7). Tucuibimi honrados gangabu munanchi (Hebreos 13:18).
3. ¿Honrados gashaga, imashinadi beneficiarinchi?
Honrados gajpimi, tucuiguna ñucunchigunabi confiai pudinga. Shinalladi, congregacionbi y familia ucubimi tucuiguna tranquilos y seguros sintirillun ayudanchi. Shinalladi, alli concienciadashmi charinchi. Honrados gashmi “ñucunchida salvaj, Diosbu yachachishcaguna alli gajta rricuchishun”, incluso cutishuj genteguna Jehová Diosda sirvina munaida charillun ayudai pudinchi (Tito 2:10).
CAI TEMAMUNDA MÁS YACHASHUNCHI
Honrado gana imashina Jehová Diosun alli amigo gallun ayudajta, shinalladi ima cosasgunabi honrado gana gashcadashmi rricushun.
4. Jehová Diosga honrado gentegunadami munan
Salmo 44:21 y Malaquías 3:16-da liyish, chaimunda parrlaichi:
¿Ñucunchi llullashcada pi na yachangallu nish yuyanaga, allillu ganga? ¿Imamundadi shina yuyangui?
Verdadta parrlana na fácil gajpish, verdadta huillajpi ¿Jehová Diosga, imashinadi sintiringa?
Huahuaguna verdadta nishaga, taitamamagunadami contentachin. Ñucunchigunash verdadta nishaga, Jehová Diosdami contentachinchi.
5. Siempre honrados gashunchi
Ashca gentegunaga honrado ganaga na alli gashcadami criin, pero tucuibi honrado ganaga allimi gan. Ima beneficiogunada charishcada averiguai. VIDEODA rricui.
Hebreos 13:18-da liyish, caigunabi yuyai...
... ¿imashinadi familia ucubi honrados gai pudinchi?
... ¿imashinadi trabajobi o escuelabi honrados gai pudinchi?
... ¿imashinadi cutishuj cosasgunabi honrados gai pudinchi?
6. Honrados gashmi beneficiarinchi
Honrados gashaga tal vez problemagunadami charishun, pero jipaga ashca beneficiogunadami charishun. Salmo 34:12-16-da liyish, chaimunda parrlaichi:
¿Ñucunchi causaibi honrados gashaga imashinadi beneficiarishun?
Cusahuarmi honrados gajpiga, familia ucubi causaiga allimi gan.
Trabajobi honrados gashaga, jefegunabu confianzadami charishun.
Honrados gashaga, autoridadgunabu ñaupujpimi alli rricurishun.
HUAQUINGUNAGA NINMI: “Ashalla llullanaga na malollu gan”.
¿Jehová Dios tucui llullagunada fiñashcadallu yuyangui? ¿Imamundadi shina yuyangui?
RESUMEN
Jehová Diosga imada nishash o rrurrashash honrados gallunmi munan.
Repaso
¿Imagunabidi honrados gana ganchi?
Nipi llullashcada na yachangallu nish yuyanaga, ¿imamundadi na alli gan?
¿Imamundadi siempre honrados gana ganchi?
ASHTAUN YACHAI
¿Taitamamagunaga imashinadi paigunabu huahuagunada honrados gallun yachachi pudin?
¿Ima nishcada fajtachijgunaga imashinadi beneficiarin?
Impuestoda pagashca cullquida na alli utilizajpish imada rrurrana gashcada rricui.
“¿Debe usted pagar impuestos?” (La Atalaya, 1 de septiembre de 2011)
¿Engañash cullquida shuhuaj jarida, paibu causaibi cambiogunada rrurrash honrado tucullunga imadi ayudarca?
“Aprendí que Jehová es bueno y nos perdona” (La Atalaya, 1 de mayo de 2015)