LECCIÓN 38
Ñucunchi causaida valorashunchi
Causaida charishcamundami ashca cosasgunada rrurrash contentos sintirinchi. Incluso problemagunada charishash, Dios rrurrashcagunada rricushmi contentos causai pudinchi. ¿Cai regalomunda Jehová Diosda agradicishcadaga, imashinadi rricuchi pudinchi? ¿Imamundadi caida rrurranaga importante gan?
1. ¿Imamundadi causaidaga valorana ganchi?
Ñucunchida juyaj Taita Jehová Diosbu regalo gashcamundami causaidaga valorana ganchi. Jehová Diosmi “causaida cuj” Dios gan, paimi tucui causaida charijgunada rrurrarca (Salmo 36:9). “Pailladimi gentegunamun causaida, samida, y tucui cosasgunada cun” (Hechos 17:25, 28). Chaimundami, causash catillunga tucui ima ministishcada cun. Shinalladi contentos causallunmi ayudan (Hechos 14:17-da liyi).
2. ¿Jehová Dios causaida cushcamundaga, imashinadi agradecidos gashcada rricuchi pudinchi?
Canbu mamabu huijsabi ña tiyai callarijpimi, Jehová Dios canda ña rrijsirca. Chaimundami, rey Davidga Jehová Diosmun shuj oracionda rrurrashaga cashna nirca: “Muyu shina huiñai callarijujpimi canga ña rrijsircangui” (Salmo 139:16). Jehová Diosga canbu causaidaga ashcadami valoran (Mateo 10:29-31-da liyi). Pi cutishujgunada a propósito huañuchijpi o incluso pailladi yangamunda huañujpi Jehová Diosga demas llaquimi sintirin (Éxodo 20:13).a Ñucunchi causaida yangamunda peligrobi churajpi o cutishujgunabu causaida na cuidajpiga Jehová Diosga llaquillami sintirin. Chaimunda causaida respetashmi cai regaloda valorashcada rricuchinchi.
CAI TEMAMUNDA MÁS YACHASHUNCHI
Jehová Dios causaida cushcamunda imashina agradicina gashcada rricushunchi.
3. Canbu saludta cuidai
Jehová Diosda sirvijgunaga paibu mandashcagunada fajtachish causangabumi decidin. Paigunabu cuerpoda Diosmun shuj sacrificioda shina cushcamundami cuidana gan. Romanos 12:1, 2-da liyish, chaimunda parrlaichi:
¿Imamundadi canbu saludtaga cuidana gangui?
¿Imashinadi canbu saludtaga cuidai pudingui?
4. Canbu causaida y cutishujgunabu causaidash alli cuidai
Bibliaga ñucunchi causaida ama peligrobi churallunmi aconsejan. VIDEODA rricui, jipaga canbu causaida imashina cuidai pudishcabi yuyai.
Proverbios 22:3-da liyish, jipaga causaida ama peligrobi churangabu cai yuyaigunada rricui...
... huasibi.
... trabajobi.
... deporteda rrurrajush.
... carroda manejajush, o pasajero shina rrijush.
5. Narij huacharishca huahuabu causaida respetai
Rey Davidga Jehová Dios narij huacharishca huahuagunamunda preocuparishcadami yachachirca. Salmo 139:13-17-da liyish, chaimunda parrlaichi:
Jehová Diosbuga, ¿ima horamundadi gentegunabu causaiga tiyai callarin: paiguna huacharishcamunda o mamabu huijsabi tiyai callarishcamunda?
Ñaupa tiempobi israelitagunamun cushca leybiga, Jehová Diosga huijsayuj huarmigunada y narij huacharishca huahuagunada cuidallunmi mandarca. Éxodo 21:22, 23-da liyish, chaimunda parrlaichi:
Majinbish narij huacharishca huahuada por accidente huañuchijpiga, Jehová Diosga ¿imadadi yuyarca?
Shinaga, narij huacharishca huahuada a propósito huañuchijpiga, ¿Jehová Diosga imashinashi sintiringa?b
Taita Dios cashna yuyashcada yachashaga, ¿imashinadi sintiringui?
Bibliamunda yachaj shuj huarmibish, huahuada shullushmi cai problemadaga arreglasha nish yuyai pudin. Isaías 41:10-da liyish, chaimunda parrlaichi:
Shuj huarmida huahuada urmachillun nijpiga, ¿pibu ayudada mascai pudin? ¿Imamunda?
HUAQUINGUNAGA NINMI: “Cada unomi huahuada shulluna o na shullunada decidina gan. Ñucunchi cuerpoun imada rrurranadaga cada unomi yachanchi”.
Jehová Dios huijsayuj huarmibu causaida y narij huacharishca huahuabu causaida por igual valorashcadaga, ¿imamundadi yachanchi?
RESUMEN
Causaiga Jehová Dios cushca regalomi gan. Chaimundami, Bibliaga ñucunchigunabu y cutishujgunabu causaida respetallun, cuidallun y juyallun yachachin.
Repaso
¿Imamundadi Jehová Dios gentegunabu causaida valorashcadaga crinchi?
¿Pi pailladi yangamunda huañujpi o cutishujgunada huañuchijpiga, Jehová Diosga imashinadi sintirin?
¿Causaimundaga imadadi ashtaun munangui?
ASHTAUN YACHAI
¿Causaida cushcamunda imashinadi Jehová Diosdaga agradici pudinchi?
Bibliamunda narij yachash huahuada shulluj huarmida ¿Jehová Diosga perdonangallu?
Jehová Dios peligroso deportegunamunda imada yuyashcada rricui.
“¿Se justifica la participación en los deportes de riesgo?” (¡Despertad!, 8 de octubre de 2000)
¿Yangamunda huañunada munajpi, Bibliabu consejogunaga imashinadi ayudanga?
“¿Puede ayudarme la Biblia si ya no quiero vivir y he pensado en suicidarme?” (Artículo de jw.org)
a Jehová Diosga shungu ucubi demas llaqui sintirijgunamundami preocuparin (Salmo 34:18). Paiga yangamunda huañusha nij gentegunada allimi rrijsin. Shina sintirijgunadami ayudasha nin. Diosbu consejoguna valishca gashcada yachangabuga “¿Puede ayudarme la Biblia si ya no quiero vivir y he pensado en suicidarme?” nishca articuloda liyi, incluso cai leccionmunda “Ashtaun yachai” nishca parteda rricui.
b Narij yachash huahuada urmachij huarmigunaga, na culpablellu sintirina gan; Jehová Dios paigunadaga perdonasha ninmi. Cai temamunda más yachangabuga “¿Qué dice la Biblia sobre el aborto?”, cai leccionmunda “Ashtaun yachai” nishca partebi rricui.