LECCIÓN 39
¿Jehová Dios yahurmundaga imadadi yuyan?
Yahurga valishcami gan. Yahur illajga, nipi na causai pudinchillu. Taita Dios ñucunchida rrurrashcamundami, yahurdi imashina utilizanada huillana derechoda charin. ¿Yahurmunda paiga imadadi nin? ¿Yahurdaga micunallu ganchi, o transfusión de sangreda shina churarinallu ganchi? ¿Alli decisionda agllangabuga imadi ayudanga?
1. Jehová Diosbu ¿yahurga valishcallu gan?
Ñaupa tiempobi, Jehová Diosga paibu sirvijgunadaga: “Tucuigunabu causaiga yahurbimi gan” nirca (Levítico 17:14). Jehová Diosga, yahurga causaidami rricuchin nin. Causaiga, Jehová Diosbu shuj regalomi gan, chaimundami yahurbish valishca gan.
2. Jehová Diosga yahurda ama utilizallunllu mandan
Congregacionda narij callarichishmi, Jehová Diosga paibu catijgunadaga yahurda ama micullun mandarca (Génesis 9:4 y Levítico 17:10-da liyi). Jehová Diosga congregacionda callarichishaga, cailladadimi mandarca. Chaimunda congregacionda ñaupujmun apaj apostolguna, ancianogunaga, Diosda sirvijgunamunmi, yahurdaga “ama micunguichi” nish mandarca (Hechos 15:28, 29-da liyi).
Yahurda na micunallu ganguichi nishaga ¿imadadi nijun? Doctor tragoda na ubianallu gangui nijpiga, canga na ubianguimunllu, ¿nallu? Pero ¿tragoda charij micunada micunguimunllu o canbu venabi tragoda inyectanguimunllu? Chaidaga na rrurranguimunllu. Yahurda “ama micunguichi” nish mandashcaunbish shinalladimi pasan. Diosda cazungabuga yahurda na micuna ni ubianallu ganchi, sipish huañuchishca animalgunabu aichadabish na micunallu ganchi. Shinalladi yahurda churash yanushca micunagunadash na micunallu ganchi.
Doctorguna yahurda charij tratamientounmi jambirina gangui nijpiga, ¿imadadi rrurranguimun? Doctorgunabu huaquin tratamientogunaga Dios mandashcagunada na fajtachinllu. Por ejemplo, huaquin tratamientogunabiga transfusión de sangreda o yahurbu chuscu importante partegunadami utilizan. Caigunami gan: glóbulos rojos, glóbulos blancos, plaquetas y plasma. Huaquinbiga shuj tratamientoda na alli intindishmi, Diosbu mandashcagunada na alli fajtachi pudinchi. Por ejemplo, yahurmunda chuscu partegunamunda uchilla fracciongunadami utilizan. O cutishujgunaga pacientebu propio yahurda utilizan. Caida yachashca jipaga, cada unomi imada rrurranadaga decidina gan (Gálatas 6:5).a
CAI TEMAMUNDA MÁS YACHASHUNCHI
Shuj tratamiento alli gashcada o na alli gashcada decidingabu imada rrurrana gashcada rricushunchi.
3. Jehová Diosda contentachij decisiongunada agllai
Bibliabu consejogunada agllash imashina fajtachinada yachai. VIDEODA rricui, jipaga imamunda cai consejogunada catina importante gashcada yachai:
Alli decisiongunada agllangabu Diosda mañai (Santiago 1:5).
Bibliabi consejogunada mascash imashina fajtachibi yuyai (Proverbios 13:16).
Can causashca lugarbi ima tratamientoguna tiyashcada averiguai.
Ima tratamientogunada na aceptana gashcada yuyai.
Canbu conciencia tranquilo sintirillun alli decisionda agllai (Hechos 24:16).b
Canbu concienciaun agllashca decisionbi canbu cusa, canbu huarmi, shuj anciano, o Bibliamunda yachachij, caida chaida rrurrai nillunga ama saquillu (Romanos 14:12).
Can ima decidishcadaga shuj papelbi anotash saqui.
4. Testigo de Jehovagunaga alli tratamientogunadami mascanchi
Dios mandashcagunadami cazunada munanchi, chaimundami yahurda na churarinchi, pero alli tratamientogunadami mascanchi. VIDEODA rricui.
Tito 3:2-da liyish, chaimunda parrlaichi:
¿Doctorgunaun parrlajushaga imamundadi respetoun, tranquilo parrlana ganchi?
Na aceptanchillu |
Cada unomi decidina ganchi |
|---|---|
A. Plasma sanguíneo |
Fracciones de plasma |
B. Glóbulos blancos |
Fracciones de glóbulos blancos |
C. Plaquetas |
Fracciones de plaquetas |
D. Glóbulos rojos |
Fracciones de glóbulos rojos |
5. Fracciones sanguíneas
Yahurga chuscu importante partegunadami charin: glóbulos rojos, glóbulos blancos, plaquetas y plasma nishcaguna. Yahurbu chuscu importante partegunaga cutishuj uchilla partegunadashmi charin, caigunadami fracciones sanguíneas nish rrijsinchi.c Huaquin fracciones nishcagunadaga, ungushcagunada o hemorragiagunada jambingabumi utilizan.
Biblia yachachishca concienciaunmi yahurmunda ima tratamientoda catinadaga, cada uno decidina ganchi. Tal vez huaquingunaga fracciones sanguíneas nishcada charij tratamientodaga na catinada munangallu. O cutishujgunaga chai tratamientodaga catingallami.
Ima decisionda agllajushash, cashna tapuri:
¿Fracciones sanguíneas nishcada imamunda aceptashcada o na aceptashcadaga imashinadi doctorgunamunga explicanguimun?
HUAQUINGUNAGA CASHNAMI TAPUN: “Yahur causaida salvajpiga, ¿imamundadi yahurda na churarishari? nin”.
¿Canga imadadi yuyangui?
RESUMEN
Jehová Diosga yahurda alli utilizallunmi munan.
Repaso
Jehová Diosbuga ¿imamundadi yahurga valishca gan?
¿Jehová Dios cushca leygunabiga yahurda na chasquina gashcadallu nin?
Yahurmunda shuj tratamiento chasquinada o na chasquinada yachangabuga, ¿imadi ayudanga?
ASHTAUN YACHAI
Canbu yahurda utilizash, shuj tratamientoda chasquinada narij decidishaga, ¿imadadi yuyarina gangui?
“Preguntas de los lectores” (La Atalaya, 15 de octubre de 2000)
Fracciones sanguíneas nishcada narij chasquishaga, ¿imadadi yachana gangui?
“Preguntas de los lectores” (La Atalaya, 15 de junio de 2004)
¿Shuj doctordaga yahurmunda, Jehová Dios imada yuyashcada intindillunga imadi ayudarca?
“Acepté el criterio divino sobre la sangre” (¡Despertad!, 8 de diciembre de 2003)
Comité de Enlace con los hospitales nishcabi ayudaj ancianoguna imashina huauquipanigunada ayudajushcada yachai.
a “Alli decisiongunada agllangabuga”, lección 35-da rricui.
b Cai lección punto 5-bi, “Fracciones sanguíneas” y nota 3-bi “Yahurta utilizash rrurrashca tratamientoguna” partedash rricui.
c Huaquin doctorgunabuga cai chuscu importante partegunaga ñami fracciones de sangre nishcaguna gan. Tal vez, transfusiones de sangre, glóbulos rojos, glóbulos blancos, plaquetas o plasma nishcagunada imamunda na aceptashcadaga explicanami gangui.