¿Bibliaga tragoda ubianamundaga imadadi yachachin?

Mundo enterobimi gentegunaga tragomunda diferente yuyaigunada charin. Huaquingunaga paigunabu amigogunaunmi ubian. Cutishujgunaga ubianada na munanllu. Y huaquingunaga machanagamami ubian. ¿Tragomunda Bibliaga imadadi yachachin?

1. ¿Tragoda ubianaga juchallu gan?

Bibliaga ashalla tragoda ubiana malo gashcadaga na ninllu. Ashtaun, Diosbu shimibiga “vinoga gentegunabu shungudami contentachin” nin, caiga Jehová Diosbu regalomi gan (Salmo 104:14, 15). Shinalladi, Bibliabiga Diosda sirvij jariguna y huarmiguna tragoda ubiashcadami nin (1 Timoteo 5:23).

2. ¿Tragoda ubiana munaida charijgunamunga Bibliaga ima consejodadi cun?

Jehová Diosga tragoda machanagama ubiallunga na munanllu (Gálatas 5:21). Bibliaga: “Demasiado vinoda ubiajgunaunga ama tandanajuillu” ninmi (Proverbios 23:20). Chaimunda, tragoda sapalla o acompañado ubiajushaga, nunca yuyai illaj saquirinagamaga na ubianallu ganchi. Shinalladi unguibi chayarinagamaga na ubianallu ganchi. Trago ubianada na controlari pudishaga, mejor na ubianallu ganchi.

3. ¿Cutishujguna agllashca decisionda respetashcadaga imashinadi rricuchishun?

Cada unomi tragoda ubianada o na ubianadaga decidina gan. Huaquinguna ashalla tragoda ubiajpiga na juzganallu ganchi. Shinalladi cutishujguna ubiangabu na munajpiga na fuerzarinallu ganchi (Romanos 14:10). Cutishujguna na alli sintirijpiga, na ubianallu ganchi (Romanos 14:21-da liyi). Diosda sirvijgunaga cai nishcada cazunchi: “Ama canlla beneficiarinada mascai, sino cutishujgunabish yuyai” (1 Corintios 10:23, 24-da liyi).

CAI TEMAMUNDA MÁS YACHASHUNCHI

4. Tragoda ubianada o na ubianadaga canlladi decidi

¿Tragoda ubianamundaga Jesusga imadadi yuyarca? Respuestada taringabuga, Jesús rrurrashca punta milagromunda yachashunchi. Juan 2:1-11-da liyish,  chaimunda parrlaichi:

• ¿Cai textogunabi rricushca shinaga, tragoda ubianamundaga Jesusga imadadi yuyarca?

• Jesús vinoda ubiallunga na jarcarcallu, shinash ¿majinbish tragoda ubianada decidijpiga imadadi yuyanguimun?

Shuj cristiano trago ubianada decidishash na siemprellu ubiana gan. Proverbios 22:3-da liyi, jipaga cai tapuigunabi yuyai:

• ¿Shuj carroda o maquinada manejagrijushaga tragoda ubianaga allillu ganga?

• ¿Huijsayuj huarmi gash tragoda ubianaga allillu ganga?

• ¿Doctor tragoda ama ubiallun nijpiga tragoda ubianaga allillu gan?

• ¿Tragoda ubianada na controlari pudishaga, tragoda ubianaga allillu gan?

• ¿Can causashca llactabi tragoda ama ubiallun nish mandajpiga, tragoda ubianaga allillu gan?

• ¿Sarun tiempobi tragoda ubiana vicioda charij quiquiun gajpiga, tragoda ubianaga allillu gan?

¿Shuj bodabi o shuj fiestabi tragoda ubianaga allillu ganga? Imada rrurrana gashcada yachangabuga, cai VIDEODA rricui.

VIDEO: ¿Bodabi tragodaga cunallu gani? (2:41)

Romanos 13:13 y 1 Corintios 10:31, 32-da liyi. Textogunada liyishca jipaga, cai tapuibi yuyaichi:

• ¿Cai versogunaga Jehová Diosda contentachi decisiongunada agllallunga imashinadi canda ayudan?

5. Mashna ubianadaga canlladi rricui

Trago ubianada decidishaga yuyari, Jehová Diosga tragoda ubiallunga na jarcanllu, pero machanagama ubiallunga na munanllu. ¿Imamunda? Oseas 4:11, 18-da liyish, chaimunda parrlaichi:

• ¿Demas tragoda ubiajpiga imadi pasanga?

¿Ama demas ubiangabu imadi ayudai pudin? Ñucunchi mashna ubiai pudishcadaga allimi yachana ganchi. Proverbios 11:2-da liyish, chaimunda parrlaichi:

• ¿Mashna tragoda ubiai pudishcada yachanaga allillu gan?

6. Trago ubiana viciomunda caruyai

VIDEO: “Machalla causanadaga na munarcanillu” (6:32)

• ¿Dimitri shuti jariga tragoda ubiashaga imashinadi comportarirca?

• ¿Trago ubiana viciodaga enseguidallu saquirca?

• ¿Trago ubiana viciodaga imashinadi saquirca?

1 Corintios 6:10, 11-da liyish, chaimunda parrlaichi:

• ¿Machanaga shuj pecadollu gan? ¿Imamunda?

• Can trago ubiana vicioda saquingabuga ¿imadadi rrurrana gangui?

Mateo 5:30-da liyish, chaimunda parrlaichi:

• Maquida fitish sitana nishca ejemplounmi, Jesusga Jehová Diosbu ñaupujpi alli rricuringabuga ashcada esforzarina gashcada nirca. Can trago ubiana vicioda saquingabuga, ¿imadadi rrurrana gangui?a

1 Corintios 15:33-da liyish, chaimunda parrlaichi:

• ¿Trago ubiana vicioda charijgunaun tandanajushaga imadi tucungui?

RESUMEN

Jehová Diosga contento sintirillunmi tragoda saquishca, pero machanagama o demas ubiallunga na munanllu.

Repaso

• ¿Biblia tragogunamundaga imadadi yachachin?

• ¿Demasiado ubiajpiga imadi pasanga?

• ¿Huaquinguna tragoda ama ubiangabu decidijpiga imashinadi paigunada respetashcadaga rricuchinchi?

ASHTAUN YACHAI

¿Jovenguna tragoda ubiagrijushaga imadadi alli yuyana gan?

No pases un mal trago (2:31)

Trago ubiana vicioda saquingabu imada rrurrana gashcada rricui.

“Cómo mantener a raya el alcohol” (La Atalaya, 1 de enero de 2010)

¿Diosda sirvijguna brindista rrurranaga allillu gan?

“Preguntas de los lectores” (La Atalaya, 15 de febrero de 2007)

Shuj jariga ubiana viciodami saquirca. Imashina saquishcada yachangabuga “Ñuca ubiashash na controlarijllu garcani” nishca parteda liyi.

“La Biblia les cambió la vida” (La Atalaya, 1 de mayo de 2012)