LECCIÓN 47
¿Bautizaringabuga listollu gangui?
Bibliada estudiashmi Jehová Diosmunda ashtaun yachashcangui. Shinalladi, ima yachashcada fajtachingabumi canbu causaibi cambiogunada ña rrurrashcangui. Pero Jehová Diosmun mingarish bautizaringabuga huaquin jarcaigunadallari charingui. Cai leccionbimi jarcaiguna tiyajpish ashca estudianteguna imashina bautizarishcada, shinalladi canbish bautizaringabu imada rrurrana gashcada yachashun.
1. ¿Bautizaringabuga Bibliamunda tucuida yachanallu ministirin?
Bautizaringabuga, canga “alli yachaidami alli yachana” gangui (1 Timoteo 2:4). Caiga Bibliamunda tucuida yachana gashcadaga na nisha ninllu. Ashca huatagunada bautizarishca Diosda sirvijgunash yachash catinadami ministinajun (Colosenses 1:9, 10). Pero Bibliabu importante yachachishcagunadaga allimi intindina gangui. Congregacionmunda ancianogunami Biblia yachachishcagunada alli o na alli intindishcadaga rricush ayudanajunga.
2. ¿Narij bautizarishaga imadadi rrurrana gangui?
Bibliabiga: “Arrepintirichi y cangunabu pecadoguna perdonashca gallunga Taita Diosmun cutindi mayayaichi” nin (Hechos 3:19-da liyi). Caidaga narij bautizarishmi rrurrana gangui. Diosda narij rrijsish rrurrashca juchagunamunda arrepintirish Jehová Diosda perdonallun mañana gangui. Shinalladi ña na can munashca shina causash, Jehová Dios munashca shinami causana gangui. Ashtaunbish tandanajuigunamunmi rrina gangui, shinalladi huauquipanigunaunmi predicangabu publicador no bautizado tucuna gangui.
3. ¿Diosmun mingarish bautizarinadaga imamundadi na manchana gangui?
Huaquingunaga pantarish, Jehová Diosmun promitishcada na fajtachinadami manchanajun. Bibliabiga Diosda sirvij jari huarmiguna pantarishcadami nin, shinalladi huaquinbiga canbish pantari pudinguimi. Pero yuyari Jehová Diosga paida sirvijguna pantarij gashcadaga allimi yachan (Salmo 103:13, 14-da liyi). Can paida sirvingabu esforzarijpiga contentomi sintiringa. Candaga Jehová Diosga siempremi ayudanga. Chaimundami paiga “Taita Diosbu juyaimundaga nipi na caruyachi pudingallu” nin (Romanos 8:38, 39-da liyi).
CAI TEMAMUNDA MÁS YACHASHUNCHI
Jehová Diosda rrijsina y paibu ayudada chasquina, bautizaringabu ayudashcadami rricushun.
4. Jehová Diosda alli rrijsi
Narij bautizarishtimi Jehová Diosdaga alli rrijsina gangui. Jehová Diosda juyangabu, cazungabuga paidami ashtaun rrijsina gangui. Mundo enteromunda Bibliada estudiajguna bautizaringabu imada rrurrashcada yachangabuga cai VIDEODA rricui. Jipaga caimunda parrlaichi:
Videobi rricushca shinaga, ¿Bibliamunda huaquin estudianteguna bautizarillunga imadi ayudarca?
Romanos 12:2-da liyish, chaimunda parrlaichi:
¿Biblia yachachishcagunadaga tucuidallu cringui? ¿Testigo de Jehovaguna verdadta o cabulta yachachishcadallu cringui?
Dudagunada charishaga, ¿imadadi rrurrana gangui?
5. Jarcaigunada vinci
Tucuigunami mingarish bautizaringabuga jarcaigunada charinchi. Shuj ejemplomunda yachangabuga, cai VIDEODA rricui. Jipaga caimunda parrlaichi:
¿Narangerel shuti paniga Jehová Diosda sirvingabu ima jarcaigunadadi charirca?
¿Jehová Diosda juyashcamunda chai jarcaigunadaga imashinadi vincirca?
Proverbios 29:25 y 2 Timoteo 1:7-da liyish, chaimunda parrlaichi:
¿Jehová Dios jarcaigunada vincingabuga imashinadi ayudan?
6. Jehová Dios ayudanabi confiai
Jehová Diosga pai munashca shina sirvillunmi ayudanga. VIDEODA rricush caimunda parrlaichi:
¿Cai videobi rricushca estudiantega imamundadi na bautizarisha nirca?
¿Jehová Diosbi ashtaun confiallunga imadi ayudarca?
Isaías 41:10, 13-da liyish, chaimunda parrlaichi:
¿Mingaringabu rrurrashca promesada fajtachinadaga imamundadi seguro gangui?
7. Jehová Dios, juyaj gashcamunda agradicishcada rricuchi
Jehová Dios juyashcada yachashmi ashtaun agradecidos sintirish para siempre sirvinada munangui. Salmo 40:5-da liyish, chaimunda parrlaichi:
¿Jehová Diosbu regalogunamundaga majindadi ashtaun munangui?
Profeta Jeremiasga Jehová Diosda y paibu consejogunadami ashcada juyarca, chaimundami Diosbu shutida valorarca. Paiga: “Canbu palabraga ñucabu shungudami demas contentachirca, Jehová Dioslla ñucami canbu shutidaga apajuni” nirca (Jeremías 15:16). Cai tapuigunada contestai:
¿Testigo de Jehová ganaga imamundadi valishca gan?
¿Testigo de Jehová tucungabullu bautizarinada munangui?
¿Bautizaringabuga ima jarcaigunadadi charingui?
¿Bautizaringabuga imadadi rrurrana gangui?
HUAQUINGUNAGA NINMI: “Bautizarishaga Jehová Diosbu munaida na fajtachinadami manchani”.
¿Canga shinallu yuyangui?
RESUMEN
Ima jarcaiguna rricurijpish, Jehová Diosbu ayudaunga bautizari pudinguimi.
Repaso
¿Bautizaringabuga Bibliamunda tucuidallu yachana gangui?
¿Narij bautizarishti imadadi rrurrana gangui?
¿Diosmun mingarish bautizarinadaga imamundadi na manchana gangui?
ASHTAUN YACHAI
Imamunda bautizarina gashcada yachai.
“¿Está usted listo para bautizarse?” (La Atalaya, marzo de 2020)
Bautizaringabu jarcaiguna charishaga imashina vincina gashcada rricui.
Bautizaringabu jarcaigunada charishash cai jari imashina vincishcada rricui.
Ataa shuti jariga bautizarinada mancharcami, pero bautizarillunga ima ayudashca rricui.