¿Diosca imatataj munan?

Diosca paraíso Allpapi huiñaita cushilla causachunmi munan.

“¿Chaica pajtaringachu?” nishpachari tapuringui. Bibliapica Diospaj Mandanami chaita pajtachinga ninmi. Yaya Diosca chai Mandanamanta, ima munaita gentecunapaj charishcatapish tucuicuna yachachunmi munan (Proverbios 2:​21; Isaías 9:​7).

Diosca alli causachunmi munan.

Shuj yayaca paipaj huahuacuna cushilla causachunmi munan. Ñucanchij Yaya Diospish huiñaita cushilla causachunmi munan (Isaías 48:​17, 18). ‘Dios munashcata rurajca, huiñaitami causanga’ nishpami Diosca yachachin (1 Juan 2:17).

Diosca paipaj ñanpi purichunmi munan.

Tucuita Ruraj Diosca ‘paipaj ñanpi’ purichunmi ima shina ‘causanata’ yachachisha nin (Isaías 2:​2, 3). “Paipaj shutita charichunmi shuj llajtata” agllashca. Paicunami tucui Allpapi Diospaj munaita yachachicun (Hechos 15:​14, NM).

Diosca shujlla shina tucushpa paita servichunmi munan.

Gentecunata chꞌicanyachinapaj randica, alli religionca cꞌuyanacushpa causachunmi yachachin (Juan 13:35). ¿Picunataj tucui llajtamanta gentecunata tandalla Diosta servichun yachachicun? Cai folletopimi chaita yachashun.