¿Jehová Diospaj munaita rurasha ninguichu?

Cai folletota rezangapaj tiempota surcushcamantaca pagui ninchijmi. Chashnami ñucanchijta alli rijsishcangui, imata ruracushcatapish yachashcangui. Shinallataj testigo de Jehovacunalla cunan punllacunapi Diospaj munaita ruracushcatami entendishcangui. Diosmanta yachashpa catichunmi munanchij. Cambaj familiaman, amigocunamanmi Bibliapi yachacushcata parlai tucungui. Tandanacuicunamanpish shamushpa catichunmi invitanchij (Hebreos 10:​23-25).

Jehová Diosmanta ashtahuan yachashpaca, pai canta cꞌuyashcata entendishpami, canpish paita cꞌuyashcata ricuchingapaj imatapish tucui shunguhuan rurangui (1 Juan 4: 8-10, 19). ¿Diosta cꞌuyashcataca ima shinataj punllanta ricuchi tucungui? ¿Dios mandashcata cazunaca imamantataj alli can? ¿Ñucanchijhuan Diospaj munaita rurachunca imataj ayudanga? Cai tapuicunata entendichunca canta yachachijmi ayudanga. Shinami canpish cambaj familiapish ‘Dios cꞌuyashcata’ mana ‘cungarishpa, huiñai causaita shuyashpa’ causanguichij (Judas 21).

Bibliata ashtahuan yachashpa catichunmi tucui shunguhuan invitanchij. Cai librota yachanami achcata ayudanga.