Problemacunata allichina
Ñucanchijta llaquichijpica, ¿imamantataj mana pꞌiñarina, mana tigra llaquichinapish canchij?
Pr 20:22; 24:29; Ro 12:17, 18; Snt 1:19, 20; 1Pe 3:8, 9
Ñucanchijta ayudangapaj ejemplocuna:
1Sa 25:9-13, 23-35. Nabal runaca Davidtaca sinchita rimashpami mana ayudanata munarca. David chaita uyashpaca Nabalpaj runacunata, paipaj familiacunatapish huañuchinatami yuyarca. Pero Abigailpaj consejota uyashcamantami mana huañuchinata decidirca.
Pr 24:17-20. Dios yuyaita cujpimi Salomonca, ‘enemigocuna llaquicunata charijpica ama cushicunguichu. Diosca mana chaitaca munanchu’ nishpami quillcarca. Chaimantami Jehová Dios juzgachun saquina canchij.
Shujtajcunahuan imapi mana de acuerdo cashpaca, ¿resentirishpa parlanata saquinachu canchij?
Le 19:17, 18; 1Co 13:4, 5; Ef 4:26
Ñucanchijta ayudangapaj ejemplocuna:
Mt 5:23, 24. Shuj huauquihuan o shuj panihuan pꞌiñanacushca cashpaca chai problemata allichingapaj esforzarichunmi Jesusca animarca.