Diosta adorana
¿Pitataj adorana canchij?
Éx 34:14; Dt 5:8-10; Is 42:8
Ñucanchijta ayudangapaj ejemplocuna:
Mt 4:8-10. Diabloca Jesús paita shuj cutinlla adorajpica tucui cai pachapi tiyaj gobiernocunatami canman cusha nircami. Shinapish Jesusca Jehová Diosllata adorangapajmi decidido carca. Chaimantami Diablotaca caimanta anchuri nirca.
Ap 19:9, 10. Poderta charij shuj angelca apóstol Juan paita adorachunca mana saquircachu.
¿Jehová Diosca paita ima shina adorachuntaj munan?
Ñucanchijta ayudangapaj ejemplocuna:
Is 1:10-17. Nij tucushpalla adorajcunata, mandashcacunata mana cazujcunatapish Jehová Diosca mana ricunayachinchu.
Mt 15:1-11. Gentecuna Dios mandashcacunata catinapaj randi paicunapaj costumbrecunata caticushcamanta Jehová Dios paicunapaj adoracionta mana chasquishcata ricuchingapajmi Jesusca cai shimicunata nirca.
¿Picunahuantaj Jehová Diosta adorana canchij?
Sl 133:1-3-tapish ricui.
Ñucanchijta ayudangapaj ejemplocuna:
Hch 2:40-42. Apostolcuna causashca punllacunapica Diosta mañangapaj, tandalla cangapaj, Dios quillcachishcacunata estudiangapajpishmi tandanacujcuna carca.
1Co 14:26-40. Huauqui panicuna Diosmanta yachachun, alli intindichun, animarichunpishmi tandanacuicunaca alli organizashcami cana can Pabloca nircami.
¿Jehová Dios ñucanchij adoracionta chasquichunca imatataj rurana canchij?
Ñucanchijta ayudangapaj ejemplocuna:
Heb 11:6. Jehová Dios ñucanchij adoracionta chasquichunca apóstol Pabloca feta charinami minishtirin nircami.
Snt 2:14-17, 24-26. Jesuspaj lahuauqui Santiagoca, feta charini nijcunaca ruraicunahuanmi feta charishcata ricuchina can nircami.