¿Cada yachaita alli intindingapajca imatataj rurana canchij?
Cai folletota yachachichun mañai. Cai folletota cujta yachachichun mañai o Internetpi jw.org paginapi pi yachachichun mañai.
PARTE 1
(A) Tucui parrafocunata, numerashca tapuicunatapish liyi. (B) Huaquin versocunamanta japishca yuyaicunaca ashtahuan valishca yuyaicunami can, chaicunaca yana letrahuanmi can. Huaquinpica yana letrahuan tiyacuj yuyai cꞌuchupica liyipai nishca versomi tiyacun.
PARTE 2
(C) Ashtahuan yachai nishca punta parrafopica imata yachagrishcatami parlan. (D) Numerashca yuyaicunaca imata yachagrishcatami ricuchin. (E) Versocunata liyi, tapuicunata cutichi, videocunatapish ricui.
(F) Fotocunata ricushpa fotocunapaj ladopi ima nishcatapish liyi. (G) Huaquincunaca nincunami nishcatapish ima shina cutichinapi yuyai.
PARTE 3
(H) Cada yachaica Yuyarishunchij, Yuyaringapaj tapuicuna nishcacunahuanmi tucurin. (I) Cada yachaita ima hora tucuchishcata anotai. Caita rurai nishca consejota pajtachishpaca Bibliata yachashpa catichunmi ayudanga. (J) Caicunatapish ricui nishcapica shujtaj publicacioncunata, videocunatapishmi ricui tucungui.
¿Versocunataca ima shinataj mashcai tucungui?
(A) Puntapica Bibliamanta shuj libropaj shutimi ricurin. (B) Qꞌuipaca capítulo, (C) versocunapishmi ricurin. Por ejemplo, Juan 17:3-ca Juan librota, capítulo 17-ta, verso 3-tami ricuchin.