Sumaj huillaicuna

Santiago de Chile llajtamantami sumaj huillaicunata chasquircanchij. Chai llajtapica quichua Imbabura shimita parlaj shuj grupomi tiyan. Cunan punllapica quichua Imbabura shimita yachacuj 25 huauquicuna panicunami Santiago de Chile llajtapi, chai cꞌuchullapi causaj quichua shimita parlajcunaman huillacuncuna. Cai huatapi Jesús huañushcata yuyarina tandanacuiman, 32 quichua gentecuna shamushcamantami paicunaca cushicurcacuna. Ashtahuanpish shuj quichua runami ña bautizarirca, paica paipaj familiaman Diosmanta yachachingapajmi Ecuador llajtaman tigramurca.