Minishtirishcacunallahuan causashpa Diosta ashtahuan servishun

Cunan tiempopica jahuallami randishpa, debita pagashpa, imata charishpapish cuidashpa, allichishpa achca tiempota, fuerzata gastanchij. Jesusca minishtirishcallata charishpami cushilla causarca. Chaimantami Diosmanta huillanata, yachachinata imapish jarcachunca mana saquirca (Mt 8:20).

¿Quiquinca ñachu minishtirishcacunallahuan cushilla causacungui? Mana cashpaca, ¿ashtahuan huillangapaj imatataj rurai tucungui? ¿Cambaj familiamanta maijanpish precursor shina servisha nijpica ayudai tucunguichu? Diosta ña ashtahuan servi cushpapish ashtahuan charina yuyaicunamanta jarcarinami cangui. Minishtirishcacunallahuan causashpaca Diosta ashtahuan servishpami cushilla causangui (1Ti 6:7-9).

¿Diosta ashtahuan servingapajca imatataj ruragrini?