Ama pandarishunchij, shujtajcunatapish ama pandachishunchij

Jesusca chꞌimbapuraicunata churashpami ñucanchijllataj pandarina, shujtajcunatapish pandachinaca mana alli cashcata yachachirca.

18:6, 7

• ‘Pandachina’ shimica mana alli yuyaihuan, mana alli munaihuan imatapish mana allita ruranatami nisha nin. Shinallataj juchapi urmashpa pandarinatami nisha nin.

• Shujtajcunata pandachinapaj randica ‘cutana rumita cungapi huatarishpa mama cuchaman urmanami alli canman’.

18:8, 9, Traducción del Nuevo Mundo

• Jesusca paita catijcunataca imapish pandachisha nijpica valishca cajpipish maquita cashpa ñahuita cashpapish surcushpa shitachun nircami.

• Gehenaman rinapaj randi o huiñai huiñaipaj tucuchishca canapaj randica cuerpomanta shuj valishca parte cajpipish surcushpa huiñai causaita charinami alli canga.

¿Imataj ñucataca pandachi tucun? ¿Ima shinataj mana pandarishpa shujtajcunatapish mana pandachi tucuni?