“Saquishalla mana ninchijchu”

4:16-18

Caipi yuyai: Ishqui familiacunami shuj mauca, llaquinai huasipi causacuncuna. Shuj familiaca yallitaj sustarishcami can. Pero caishuj familiaca cushillami can. Cai familiaca ñalla shuj sumaj, mushuj huasipi causanaman rinata yachashcamantami cushilla can.

Cai mundopi gentecunaca huachana nanaihuan huarmi aij nicuj shinami cunancama aij nicuncuna. Pero, Diosta sirvijcunaca shamuj punllacunapi sumaj causai tiyanata yachashpami llaquicunahuan cashpapish chaicunata ahuantashpa cati tucunchij (Ro 8:22). Achca huatacunatachari llaquicunata apacunchij. Shinapish Dios cusha nishca bendicioncunahuan ricujpica chai llaquicunaca sinchi cashpapish ashacamallami can. Yaya Dios imalla cusha nishcacunapi yuyarishpami ñaupajman cati tucunchij.