¿Diospaj Shimita punllanta yachashunchij nishca folletota liyishpa beneficiaricunguichu?

¿Tucui punllacunachu Diospaj Shimita punllanta yachashunchij nishca folletopi versota, comentariota liyingui? Mana chai costumbreta charishpaca, ¿cunanmanta liyishpa callari tucunguichu? Achcacunaca tutamanta lado liyishpami punlla imata ruracushpaca chaipi cutin cutin yuyashpa pasancuna (Jos 1:8; Sl 119:97). Punllapaj agllashca verso ima nicushcata intindishpa beneficiaringapajca huaquin versocuna ñaupaman, huaquin versocuna qꞌuipaman ima nicushcatami ricuna canchij. Shinallataj pimanta chaipi parlacushcata yachashpami, ñucanchijpish ima shina pajtachi tucushcata ricuna canchij. Ima decisionta agllangapaj Bibliapi tiyaj consejocunata catishpaca Jehová Dios ñucanchijta yachachichun saquicushcatami ricuchishun (Sl 119:105).

Tucui Betelcunapica desayuno horasmi Diospaj Shimita punllanta yachashunchij nishca folletota liyishpa yachancuna. Cai último huatacunapica Diosta adorana tutamanta programacunaca JW Broadcasting^® paginapimi llujshishca (VIDEOCUNA > TANDANACUICUNA). ¿Ima horataj chai programata última vez ricurcangui? Tal vez can minishticushca programachari llujshirca. Por ejemplo, Lotpaj causaimanta imata yachai tucushcata ricushun.

CAI PACHAPI TIYAJCUNATA AMA CꞌUYAICHIJCHU (1JN. 2:15) NISHCA VIDEOTA RICUSHCA QꞌUIPA CAI TAPUICUNATA CONTESTAI:

• ¿Diosta adorana tutamanta programapica maijan versomantataj parlarca?

• Lotmanta yachashpaca, ¿imamantataj cai pachapi tiyajcunataca mana cꞌuyana canchij? (Gé 13:12; 14:12; 19:3, 12, 13, 24-26).

• Cai pachapi tiyajcunata cꞌuyanapaj randica, ¿ima shinataj Jehová Diosllata cꞌuyashcata ricuchinchij?