Noviembre quillapi Diospaj Gobiernomanta huillangapaj campaña

Jesusca Diospaj Gobiernomanta alli huillaicunatami yachachirca. Shinallataj gentecunamanca Diospaj Gobierno cai Allpata mandachun mañanguichij nishpami yachachirca (Lu 4:43; Mt 6:9, 10). Noviembre quillapica Diospaj Gobiernomanta huillangapajmi tucui pudishcata rurai tucunchij (Mt 24:14). Chai quillapica ashtahuan huillangapajmi huaquin arreglocunata rurai tucunchij. Precursores auxiliares huauqui panicunaca 30 o 50 horastami huillai tucuncuna.

Noviembre quilla campañapica Diospaj Gobiernomanta parlaj versotami tucui laya gentecunaman liyi tucungui. Maijan versota agllacushpaca cambaj huillan lugarpi gentecuna imapi crishcatami alli ricunaraj cangui. Maijan Bibliamanta ashtahuan yachanata munajpica Huillaj número 2 del 2020 huillangapaj revistatami saqui tucungui. Cutin visitangapajmi utca tigrana cangui. Shinallataj huillangapaj agllashca publicacionhuanmi shuj estudiota paihuan callaringapaj esforzari tucungui. Diospaj Gobierno cai Allpapi tiyaj gobiernocunata tucuchingapajca ashallami faltan (Da 2:44; 1Co 15:24, 25). Chaimantami noviembre quillapi Jehová Diosta tucuipi cazungapaj, paipaj Gobiernota apoyangapajpish tucui pudishcata rurashunchij.