¿Cambaj mañashcacunata Dios cutichishcata ricushcanguichu?

Bibliapica Jehová Dios huaquin mañashcacunata cutichishcatami parlan. Diosta sirvijcunaca Yayitu Diosta mañashpaca Jehová Dios paicunamanta preocuparishcata, ayudashcatami ricurcacuna. Chaimi fuerzasta japircacuna. Ñucanchijpish Yayitu Diosta ayudachunmi mañana canchij. Ñucanchij mañashcata pai ima shina cutichicujtapish allimi ricuna canchij. Maipica Jehová Diosca ñucanchij munashca shinaca mana cutichingachu. Cutin huaquinpica ñucanchij mañashcatapish yallimi cunga (2Co 12:7-9; Ef 3:20). Jehová Dios ñucanchijta ima shinalla cutichishcata ricushun.

• Fuerzasta cushpa, ñucanchij feta sinchiyachishpami ayudan (Flp 4:13).

• Alli decisioncunata agllachunmi yachaita cun (Snt 1:5).

• Paipaj munaita rurachunca munaitapish, fuerzatapishmi cun (Flp 2:13).

• Llaquilla cajpica cushichinmi (Flp 4:6, 7).

• Shujtajcunataca ñucanchijta ayudachun, cushichichunmi utilizan (1Jn 3:17, 18).

• Shujtajcunamanta mañajpipish paica ayudanllami (Hch 12:5, 11).

DIOSCA ÑUCANCHIJ MAÑASHCACUNATA UYANMI NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Ungushca cashpapish huauqui Takeshipaj experienciamantaca imatataj yachai tucungui?

• ¿Huauqui Takeshipaj ejemplotaca ima shinataj cati tucunchij?