Esdrasca Diospaj mandashcacunata liyishpami paita jatunyachicun.
BIBLIAPI TIYAJ VALISHCA YUYAICUNA
“Mandaj Dios cushichishcaca, cancuna fuerzayuj tucunapajmi”
Diospaj Shimita Esdras liyijta uyangapajmi tucui pueblo tandanacurca (Ne 8:1, 2; w13-S 15/10 pág. 21 párr. 2; página 1-pi tiyaj fotota ricui).
Chai ratoca ñaupa mana allita rurashcata yuyarishpa mana llaquirinachu carca. Ashtahuancarin cushicuihuanmi Diosta alabana carca (Ne 8:9, 11, 12).
Jehová Dios cushichijpimi ñaupajman catingapaj fuerzata charinchij (Ne 8:10; w07-S 15/7 pág. 22 párrs. 9, 10).
CASHNA TAPURI: “¿Llaquicunata charishpapish imacunallamantataj cushilla sintirina cani?”.