1-7 DE ABRIL
SALMOS 23-25
Canto 4, mañaipish | Callari shimicuna (1 min.)
1. “Mandaj Diosca ñucata michijmi”
(10 mins.)
Jehová Diosca alli ñantami pushan (Sl 23:1-3; w11-S 1/5 pág. 31 párr. 3).
Jehová Diosca cuidanmi (Sl 23:4; w11-S 1/5 pág. 31 párr. 4).
Jehová Diosca micunatami cun (Sl 23:5; w11-S 1/5 pág. 31 párr. 5).
Alli michijcunaca paipaj ovejitacunataca allimi cuidan. Jehová Diospish paita sirvijcunataca allimi cuidan.
CASHNA TAPURI: “¿Jehová Diosca ñucataca ima shinataj cuidan?”.
2. Bibliapi curita mashcaj shina mashcashunchij
(10 mins.)
Sl 23:3. ¿‘Cashcata rurana ñancunaca’ imataj can? ¿Chai ñancunamanta ama llujshingapajca imatataj rurana canchij? (w11-S 15/2 pág. 24 párrs. 1-3).
¿Cai semanapi Bibliata liyicushpaca ima sumaj yuyaicunatataj tarishcangui?
3. Bibliata liyishunchij
(4 mins.) Sl 23:1–24:5 (th yachai 5).
4. Parlanacushpa callari
(3 mins.) MAIPI CASHPAPISH. Allpata cuidasha nij runaman shuj animachij versota ricuchi (lmd yachai 2 punto 5).
5. Revisitacunata rurai
(4 mins.) HUASIN HUASIN HUILLACUSHPA. Cushilla causai folletota chasquijman ñucanchijcuna Bibliamanta ima shina yachachishcata ricuchi (lmd yachai 9 punto 3).
6. Discipulocunata rurai
(5 mins.) lff yachai 14 punto 4 (lmd yachai 11 punto 3).
Canto 54
7. Mana rijsishcacuna rimashcataca ama uyaichu
(15 mins.) Parlanacushpa yachachi.
Ovejacunaca paicunapaj michij rimashcata uyashpaca catincunallami. Pero, mana rijsishca michij rimashcata uyashpaca maitapish caruyashpami rincuna (Jn 10:5). Ñucanchijpish Jehová, Jesús rimashcallatami uyana canchij. Paicuna cꞌuyajcuna cashcamantami paicunapi confiai tucunchij (Sl 23:1; Jn 10:11). Pero mana rijsishcacuna rimashcataca mana uyanchijchu. Paicunaca ‘panda yachachishcacunahuanmi’ Diosmanta caruyachisha nincuna (2Pe 2:1, 3).
Génesis capítulo 3-pica Adán y Eva mana rijsishca ángel paicunahuan parlashcatami huillan. Chai angelca Satanasmi carca. Pero pi cashcata mana huillashpami Evataca paipaj alli amigo cashcata crichirca. Shinallataj llullacunata nishpami Jehová Dios millai dios cashcata crichirca. Eva chai nishcacunata crishcamantami paipish paipaj familiapish achca llaquicunata charircacuna.
Cunan punllacunapipish Diabloca Jehová Diospi, paipaj organizacionpi ama confiachunmi llullacunata nin. Por ejemplo, huaquinpica noticierocunapica testigocunamantami llullacunata nin. Cutin maijancunaca verdadta nicuj shinami ñucanchij organizacionmanta panda yuyaicunata nincuna. Paicuna nishcacunata uyashpa saquirinapaj randica chai ratomi caruyana canchij. Diabloca ashalla shimicunahuanmi Evataca pandachirca (Gé 3:1, 4, 5). Mana cuidadota charijpica Diabloca ashalla shimicunahuanmi ñucanchijtapish pandachinga. Pero, shuj familia o amigo Diospaj organizacionmanta mana allicunata nijpica ¿imatataj rurana canchij?
Mana rijsishcacuna rimashcataca ama uyaichu nishca VIDEOTA churai. Chai qꞌuipaca cai tapuita rurai:
¿Coralpaj mama Diospaj organizacionmanta llullacunata ricuchisha nijpica paica imatataj rurarca?