29 DE JULIO A 4 DE AGOSTO
SALMO 69
Canto 13, mañaipish | Callari shimicuna (1 min.)
1. Salmo 69-pica Jesuspaj causaimantaca ñami huillarca
(10 mins.)
Jesustaca yangamantami pꞌiñarcacuna (Sl 69:4; Jn 15:24, 25; w11-S 15/8 pág. 11 párr. 17).
Jesuspajca Jehová Diosta jatunyachinami importante carca (Sl 69:9; Jn 2:13-17; w10-S 15/12 pág. 8 párrs. 7, 8).
Jesús cꞌuyaillata huañucujpimi jayaj qꞌuihuacunahuan chagrushca vinota ubyachisha nircacuna (Sl 69:20, 21; Mt 27:34; Lu 22:44; Jn 19:34; g95-S 22/10 pág. 31 párr. 4; it-2-S pág. 669).
CASHNA TAPURI: “Ñaupa testamentopica Mesiaspaj causaimantaca huaquin profeciacunami tiyan. ¿Jehová Diosca chaicunataca imamantashi quillcachirca?”.
2. Bibliapi curita mashcaj shina mashcashunchij
(10 mins.)
Sl 69:30, 31. Cai versocunapi nishca shinaca ¿Jehová Diostaca ima shinataj mañana canchij? (w99-S 15/1 pág. 18 párr. 11).
¿Cai semanapi Bibliata liyicushpaca ima sumaj yuyaicunatataj tarishcangui?
3. Bibliata liyishunchij
(4 mins.) Sl 69:1-15 (th yachai 2).
4. Pacienciata ricuchi: ¿Jesusca imatataj rurarca?
(7 mins.) Parlanacushpa yachachi. VIDEOTA churai. Qꞌuipaca Cꞌuyaihuan ayudashunchij folletopi yachai 8 puntos 1 y 2-ta yachachi.
5. Pacienciata ricuchi: Jesús shina rurai
(8 mins.) Parlanacushpa yachachi. Cꞌuyaihuan ayudashunchij folletopi yachai 8 puntos 3-5, “cai versocunatapish ricui” nishcatapish yachachi.
Canto 134
6. Congregacionmanta parlashunchij
(5 mins.)
7. Familiahuan Diosta cushilla adorangapaj valishca consejocuna
(10 mins.) Parlanacushpa yachachi.
Diciembre de 2008 huatacamaca Estudio de Libro de Congregación nishca tandanacuita, shinallataj Escuela del Ministerio Teocrático, Reunión de Servicio nishca tandanacuicunata charingapajca semanapica ishqui cutincunami tandanacuj carcanchij. Pero enero de 2009-pi chai tandanacuicuna shujlla tucushcamantami shuj cutinllata tandanacui callarircanchij. Cai cambio tiyashcamantami familiacunaca Bibliata tandalla estudiangapaj ashtahuan tiempota charircacuna. Shinallataj familiacunaca Jehová Diospajman ashtahuan cꞌuchuyangapaj, paicunapura ashtahuan rijsinacungapajmi oportunidadta charishcacuna. Chaimantami cushilla sintirincuna (Dt 6:6, 7).
Familiahuan Diosta adoracushpa tucuicuna cushilla sintirichunca familiata pushajcunaca cai consejocunatami pajtachina can:
Cada semana estudiaichij. Pudishpaca shuj horariota charichij. Ima emergencia tiyashcamanta chai punlla mana tandanacui tucunata yuyaipi charishpa shujtaj punllatapish agllashcata charichij.
Alli preparari. Imata estudianata yachangapajca cambaj huarmitami tapui tucungui. Huaquinpica cambaj huahuacunatapishmi tapui tucungui. Familiahuan estudiangapaj yallitaj tiempota prepararinaca mana minishtirinchu. Paicuna ima shina yachanata munashcata ña yachashpaca chaita yuyaipi charishpami preparari tucungui.
Cada unopi yuyashpa preparari. Huahuacuna huiñashpa catishpaca shujtaj yuyaicunatami yachanata minishtingacuna. Familiahuan imalla estudiashcacunaca cada unotami Diospajman cꞌuchuyashpa catichun ayudana can.
Cambaj familiamanca mana pꞌiñarishpami cꞌuyaihuan yachachina cangui. Alli clima tiyajpica huasimanta llujshishpami shujtaj ladopi estudiai tucunguichij. Ashata samarinata minishtishpaca samarinallami canguichij. Familiapi problemacuna tiyajpica huaquinpica chaicunamantami parlanacui tucunguichij. Pero chai ratoca pitapish mana corregina, mana disciplinanachu cangui.
Chꞌican chꞌican ruraicunatami rurai tucunguichij. Por ejemplo, familiahuan estudiacushca ratollatajmi tandanacuicunapaj ashata allichiri tucunguichij. Chai qꞌuipaca jw.org paginapi llujshishca shuj videomantapishmi parlai tucunguichij. Chai huashaca ima shina predicanatapishmi ensayai tucunguichij. Familiahuan Diosta adoracushpaca Bibliamanta tandalla yachanami tucuimanta yalli importante can. Pero chai rato cada uno paicuna munashca temacunamanta estudiachunpish asha tiempotami cui tucungui.
Cai tapuita rurai:
¿Cambaj familiahuan caicunata pajtachingapaj esforzaricunguichu?
8. Tandanacushcacunahuan Bibliata yachashun
(30 mins.) bt yachai 13 párrs. 8-16, pág. 105-pi tiyaj recuadropish.