18-24 DE AGOSTO
PROVERBIOS 27
Canto 102, mañaipish | Callari shimicuna (1 min.)
1. ¿Alli amigocunaca ima shinataj ayudan?
(10 mins.)
Alli amigocunaca ñucanchij minishtirishca horaspimi consejota cun (Pr 27:5, 6; w19.9 pág. 5 párr. 12).
Alli amigocunaca maipica ñucanchij familiata yallimi ayudai tucunga (Pr 27:10; it-2-S pág. 1185 párr. 6).
Alli amigocunaca ñucanchijcuna allita rurachunmi ayudan (Pr 27:17; w23.09 pág. 9 párr. 7).
2. Bibliapi curita mashcaj shina mashcashunchij
(10 mins.)
Pr 27:21. ¿Shujtajcuna felicitajpica imamantataj cuidadota charina canchij? (w23.06 pág. 4 párr. 8).
¿Cai semanapi Bibliata liyicushpaca ima sumaj yuyaicunatataj tarishcangui?
3. Bibliata liyishunchij
(4 mins.) Pr 27:1-12 (th yachai 5).
4. Parlanacushpa callari
(3 mins.) HUASIN HUASIN HUILLACUSHPA. Huasiyujca Jesuspica mana crinchu, shujtaj religiontami charin (lmd yachai 6 punto 5).
5. Revisitacunata rurai
(4 mins.) MAIPI CASHPAPISH. Yachachingapaj publicacioncunamanta shuj videota ricuchicuj shina huillai (lmd yachai 8 punto 3).
6. Conferencia
(5 mins.) w25.02 pág. 15 párrs. 5, 6, 8, 9. Tema: ¿Shuj amigo llaquichijpica imatataj rurana cani? (th yachai 14).
Canto 109
7. Alli amigoca llaqui horaspimi ñucanchijhuan can
(15 mins.) Parlanacushpa yachachi.
Jehová Diosca paipaj pueblopimi alli amigocunata ñucanchijman cushca. Paicunaca ñucanchijtami achcata cꞌuyan. Congregacionpica tucuicunahuanmi alli apanacunchij. Shinapish huaquincunallami ñucanchijpaj ashtahuan alli amigocuna can. Alli amigocunaca ñucanchij ima shina sintirishcata intindingapajmi esforzarin. Ñucanchijpimi confiancuna. Paicunapish ima shina sintirishcatami ñucanchijman huillancuna. Ñucanchijhuan tandalla pasangapaj, ayudangapajpishmi listos cancuna. Chaimantami alli amigocunata charingapajca tiempo, esfuerzo minishtirin.
Proverbios 17:17-ta liyipai. Cai tapuita rurai:
¿Jatun llaqui punllacuna manaraj callarijpica imamantataj alli amigocunata charina canchij?
2 Corintios 6:12, 13-ta liyipai. Cai tapuita rurai:
¿Cai versocunapi nishca shinaca alli amigo cangapajca imatataj rurana cangui?
Imata rurangapajpish shuj tiempomi tiyan. Alli amigocuna tucungapajca tiempomi minishtirin nishca VIDEOTA churai. Qꞌuipaca cai tapuita rurai:
¿Cai videopica alli amigota charinamantaca imatataj yachachin?
Caita yuyai. ¿Shuj plantita alli huiñachunca imatataj rurana canchij? Puntapica plantitata tarpunami canchij. Qꞌuipaca yacuta churashpa, cuidashpami catina canchij. Chai shinallatajmi alli amigota charingapajca paciencia minishtirin. Puntapica cushilla ñahuihuanmi saludana canchij. Qꞌuipaca paimanta preocuparishpa, paihuan tandalla pasangapajpishmi esforzarina canchij. Chashnami huiñai huiñaicama alli amigota charishun.
8. Tandanacushcacunahuan Bibliata yachashun
(30 mins.) lfb yachai 10, 11.