1. ¿Diospaj culpamantachu sufrinchij?

¿Caita yachanaca imamantataj importante can?

Achca gentecunami Diospaj culpamantami sufrinchij nishpa paimanta caruyancuna.

Caipi yuyai

Religionta pushajcunaca ñucanchij sufrimientoca Diospaj munaimantami can nincunami. Por ejemplo, huaquincunaca:

• Terremoto, jatun tamia o chai laya llaquicunaca Diospaj castigomi can nincunami.

• Shuj huahua huañujpica Diosmi angelcunata cielopi minishticurca nincunami.

• Shuj guerra tiyajpica Diosmi apoyota cun nincunami.

Pero, ¿religionta pushajcuna Diosmanta llullacunata nicujpica? ¿Religionta pushajcunapaj nishcacunahuan Dios mana de acuerdo cajpica?

¿Bibliapica imatataj yachachin?

Mana Diospaj culpamantachu sufrinchij

Yaya Dios gentecunata sufrichishpaca alli Dios cashcataca mana ricuchinmanchu. Por ejemplo, Bibliapica paimanta cashnami nin:

‘Paipaj ñancunapish ima mana pandachu. Paica cashcata rurajmi, imata mana pandajmi’ (DEUTERONOMIO 32:4).

“Mana allita ruranaca Diosmantaca carupimi cachun nini. Millaita ruranapish, Tucuita Rurai Tucuj Diosmantaca carupimi cachun nini” (JOB 34:10).

‘¿Tucuita Rurai Tucuj Diosca, mana ima japina cashcatapish quichungallachu?’ (JOB 34:12).

Yaya Diosca llullata nishpa yachachij religioncunataca manataj chasquinchu

Huaquin religioncunapica Diospaj culpamantami sufrinchij nishpami yachachincuna. Shinallataj guerracunata, macanacuicunatami apoyancuna. Chai religioncunataca Diosca manataj chasquinchu.

‘Mandaj Diosca cashnami nirca: “Chai huillajcunaca llullashpallamari, ñuca shutipi chashna huillancuna. Paicunataca manapish ñuca huillanaman cachashcanichu, imallatapish mana nishcanichu. Manapish muscuipi shina ñuca ricuchishcata ricuncunachu. Ashtahuanpish adivinashpallamari, paicunapaj shungu yuyashcata huillashpa cancunataca umacuncuna”’ (JEREMÍAS 14:14).

Jesuspish religionta pushajcuna mishqui shimi jayaj shungu cashcamantami rimarca

“Ñucata: ‘¡Mandaj Jesús, Mandaj Jesús!’ nijcunaca, Taita Dios mandacunpica mana tucuicuna yaicungacunachu. Ashtahuanpish jahua pacha ñuca Yayapaj munaita rurajcunami, chaimanca yaicungacuna. Chai punllapica achcacunami ñucataca: ‘Mandaj Jesús, Mandaj Jesús, cambaj shutipimi huillarcanchij, cambaj shutipimi supaicunata llujshichircanchij, cambaj shutipimi achca milagrocunatapish rurarcanchij’ ningacunami. Shina nijpica paicunataca: ‘Cancunataca nunca mana rijsircanichu. ¡Ñucamanta anchuichij, millaita rurajcuna!’ nishami” (MATEO 7:21-23).