¿Celularcunaca ima shinataj ñucanchij amigocunamanta caruyachi tucun?
Cunanca caru llajtacunapi causashpapish mensajecunata o correocunata cachashpa, videoconferenciacunapi cayashpa o redes socialescunata utilizashpami shujtajcunahuan parlai tucunchij. Chaimantami, “celularta charinaca allimi can” ninchij.a
Pero amigocunahuan parlangapaj celularcunallata utilizajcunaca cai llaquicunatami charingacuna:
Amigocunamanta mana tanto preocuparishcatami ricuchingacuna.
Sololla, ima faltashca layami sintiringacuna.
Shujtajcunapi yuyanapaj randica paicunallapimi yuyangacuna.
CAITAMI YACHANA CANGUI
SHUJTAJCUNATA LLAQUINAMANTA
Shujtajcunata llaquingapajca paicuna ima shina sintirishcatami intindina canchij. Pero mensajecunata cachashpalla o redes socialescunata ricushpalla pasashpaca chaitaca mana rurai tucushunchu.
Celularpi achca mensajecunata chasquishpaca tal vez cambaj amigocunapaj mensajecunataca mana cutichi tucunguichu. Quizás importante mensajecunata, mana importante mensajecunatapish rato cutichinallatami yuyangui. Chaimantami shuj amigo ayudata minishtishcataca mana cuentata cungui.
CAIPI YUYAI: ¿Amigocunamanta preocuparishcata ricuchingapajca ima shinataj celularta alli utilizai tucungui? (1 PEDRO 3:8).
SOLOLLA SINTIRINAMANTA
Huaquin investigajcunaca maijan gentecuna achca tiempota redes sociales nishcata ricushca qꞌuipaca llaquilla sintirishcatami cuentata cushcacuna. Shinallataj cai investigajcuna nishca shinaca, shujtajcunapaj fotocunata ricushpalla pasajcunaca yangamanta tiempota pasashcatami sintincuna.
Shujtajcunapaj fotocunata ricushpaca paicuna divirtirishpalla pasashcatami yuyai tucunchij. Shinallataj paicunahuan compararishpami, “ñucaca divirtiringapajca imata mana ruracunichu” ni tucunchij.
CAIPI YUYAI: ¿Redes socialescunata utilizacushpaca shujtajcunahuan ama compararingapajca imatataj rurai tucungui? (GÁLATAS 6:4).
ÑUCANCHIJLLAPI YUYANAMANTA
Shuj profesora nishca shinaca huaquin alumnocunaca paicunallapi yuyashpami paicunata ayudajcunallata mashcancuna. Shinallataj huaquin gentecunaca paicunapaj amigocunataca shuj celularta shinami ricuncuna. Paicuna minishtishca ratollami amigocunahuan canata munancuna. Cutin ña mana minishtishpaca paicunatami saquincuna.
CAIPI YUYAI: ¿Internetpi imata churashpaca shujtajcunahuan compararishcata, canllapi yuyashcatachu ricuchingui? (GÁLATAS 5:26).
CAITAMI RURAI TUCUNGUI
CELULARTA IMA SHINA UTILIZASHCAPI YUYAI
Celularcunata alli yuyashpa utilizanata yachashpaca cambaj amigocunahuanmi parlai tucungui. Shinallataj paicunahuanca ashtahuan allimi apanacui tucungui.
BIBLIAPAJ CONSEJO: ‘Cꞌuyaita charijca mana paipajlla mashcanchu’ (1 CORINTIOS 13:4, 5).
Can imata pajtachisha nishcapi shuj señalta churai. Mana cashpaca can imata rurasha nishcata quillcai:
Correocunata o mensajecunata cachanapaj randica amigocunahuanca ñahui ñahuimi parlasha nini.
Shujtajcunahuan parlanacucushpaca telefonotaca silenciopimi churasha nini.
Redes socialescunata ricushpaca mana achca tiempota pasasha ninichu.
Shujtajcuna parlajpica allimi uyasha nini.
Shuj llaquita charij amigotami cayasha nini.
a Caipica celularcunamanta parlashpapish caipi tiyaj consejocunaca computadoracunata, tabletcunata utilizajcunapajpish allimi can.