¿COSASCUNA CARUYAJPICA IMATATAJ RURASHUN?

Esperanzata charishcata ricuchi

Can causan llajtapi preciocuna ashtahuan huichiyajpi, sueldopish mana pajtajpica cambaj familiaman ima minishtishcata mana cui tucushcamantachari sustaringui. Chashna sustarishca cashpapish esperanzata charinaca importantemi can.

¿CAICA IMAMANTATAJ IMPORTANTE CAN?

Esperanzata charij gentecunaca ima alli pasachunca mana maqui cruzashca saquirincunachu. Esperanzata charinami ima llaquicuna japijpipish esforzarishpa ñaupajman catichun ayudan. Huaquin doctorcuna nishca shinaca esperanzata charij gentecunaca:

Mana desanimarishpami llaquicunata ahuantancuna.
Ima cambiocunatapish ruranllacunami.
Paicunapaj causaipi alli decisioncunata agllashcamantami alli saludtapish charincuna.

¿IMATATAJ RURAI TUCUNGUI?

Cunan punllacunapi Biblia ima shina ayudanapi yuyai. cosascuna ashtahuan caruyajpi imata rurana cashcata yachangapajca Bibliapica alli consejocunami tiyan. Chai consejocunaca mana can solo cashcata cuentata cuchun, shamuj punllacunapi llaquicuna ricurijpipish ahuantangapaj preparado cachunmi ayudanga.

“Cai alli shimicunaca canta huaquichingami. Cai alli yuyaicunaca imamantapish quishpichingami” (Proverbios 2:11).

Shamuj punllacunapaj Bibliapi ima nishcata yachai. Bibliapi consejocuna tiyashcata cuentata cushpaca shamuj punllacunamanta Biblia imata nishcatami ashtahuan yachanata munangui. Por ejemplo, “sumaj causaita”, ima shuyacushcata Dios cusha nishcatami yachangui (Jeremías 29:11). Shinallataj Bibliapica Diospaj gobiernomantami yachachin. Chai gobiernomi Dios ima nishcataca pajtachinga.

¿DIOSPAJ GOBIERNOCA IMATAJ CAN? ¿CHAI GOBIERNOCA IMATATAJ RURANGA?

Diospaj gobiernoca jahua pachapimi mandacun. Ñallami cai Allpatapish mandanga (Daniel 2:44; Mateo 6:10). Chai gobierno mandashpami llaquicunata, pobrezata tucuchinga. Shinallataj alaja causaitami apamunga. Chaitaca cai catij versocunapimi ricuchin:

“Cushicunguimi, imapipish allimi cangui” (Salmo 128:2).

Diospaj gobierno mandacujpica gentecunaca “mana yanga trabajangacunachu” (Isaías 65:23).

“Allpapica achca granocunami pꞌucunga” (Salmo 72:16, NWT).

Diosca “mana llulla Diosmi” (Tito 1:2). Chaita yachashpami achca gentecunaca Dios nishcacuna pajtarina cashcata tucui shunguhuan crincuna. ¿Canpish Bibliapi imata nishcata yachasha ninguichu? Bibliapi nishca esperanzata charinami llaquicunata ahuantangapaj, shamuj punllacunapi alli causai tiyanata cringapaj ayudanga.