PARTE 8

Jesusca ¿imamantataj huañurca?

Huiñai causaita tucuicuna charichunmi Jesusca huañurca Juan 3:16

Huarmicunami, Jesusta pambashca jutcu chushaj cashcata ricucuncuna

Jesús huañushcamanta quimsa punlla qꞌuipa, huaquin huarmicuna paita pambashca jutcuman rijpica, jutcuca chushajmi carca. Jehovami Jesusta causachishca carca.

Jesusca paipaj apostolcunaman ricurishca qꞌuipami jahua pachaman ricun

Qꞌuipaca, paipaj cꞌuyashca catijcunamanmi Jesusca ricurirca.

Jesusca mana aichayuj, tulluyujchu causarirca. Diosca angelcunaman shinami espíritu cuerpota curca. Paipaj catijcunaca jahua pachaman rijtami ricurca. Cunanca mana huañuj, achca poderta charij espiritumi.

Diosca Jesusta causachishpami paipaj Reinopi mandachun churarca Daniel 7:13, 14

Jesusmi jahua pachamanta paraiso Allpapi gentecunata mandacun

Gentecunata juchamanta, huañuimanta quishpichingapajmi Jesusca paipaj causaita curca (Mateo 20:28). Jesús huañushcamantami Diosca huiñai causaita cusha nin.

Jahua pachamanta Allpata mandachunmi Jehová Diosca Jesusta agllarca. Jesushuan mandangapajca, 144.000 Diosta cazuj gentecunapishmi jahua pachapi causachishca canga. Chai mandanami Diospaj Reino can (Apocalipsis [Revelación] 14:1-3).

Chai Reinomi tucui Allpata shuj paraisota ruranga. Macanacuicuna, millaita rurajcuna, huajchalla causaipish, yaricaipish ña mana tiyangachu. Gentecunaca cushillami causanga (Salmo 145:16).