PARTE 9

Allpaca ¿ima punllashi shuj paraíso tucunga?

Reino ña chayamucushcatami cunan punlla llaquicunaca ricuchin Lucas 21:10, 11; 2 Timoteo 3:1-5

Cunan punllacunapi tiyaj llaquicuna: guerracuna, ungüicuna, yaricaicuna, yaya mamata mana cazujcuna, familia ucupi pꞌiñanacuicuna

Achca huatacuna huashamanmi cunan tiyashca llaquicunamanta Bibliaca huillarca. Huahuacuna yaya mamata mana cazunata, gentecuna millai canata, cullquillata, aicha munaillata cꞌuyajcuna canatapish.

Shinallataj, allpa chujchuicuna, macanacuicuna, yaricaicuna, achca ungüicuna tiyanatapishmi huillarca. Cunan punllacunami chaita ricunchij.

Shuj testigo de Jehovami Diospaj Mandanamanta shuj runaman huillacun

Diospaj Reinomanta alli huillaicuna muyundij Allpaman chayana cashcatami Jesusca huillarca (Mateo 24:14).

Diospaj Reinomi tucui millaicunata tucuchinga 2 Pedro 3:13

Jehová Diosca ñallami tucui millai gentecunata tucuchinga.

Jehová Diosca tucui millai gentecunatami Armagedón punllapi tucuchicun. Satanastapish supaicunatapishmi Jesusca castiganga

Satanaspish supaicunapish tucuchishcami canga.

Jesusmi paipaj mandanapi tiyacun. Tucui laya gentecunami cushilla cancuna

Diosta cazuj gentecunaca cꞌuyaita ricuchishpa, allita rurashpa, imatapish mana manchashpa casillami causanga. Tucuicunami paicunapura alli apanacunga.