Parte 6-pica caitami yachagrinchij

Israelitacunaca Dios cusha nishca Allpaman chayashpaca Diospaj carpa huasipimi Diosta adorajcuna carca. Sacerdotecunaca Diospaj leycunamantami yachachircacuna. Cutin juezcunaca Israel llajtatami pushajcuna carca. Cai partepica ñucanchij decidishcacuna, imata rurashcacunapish shujtajcunata ayudai tucushcata o llaquichi tucushcatami yachashun. Jehová Diostapish, shujtajcunatapish ama llaquichingapajca cada israelitami Diosta cazunata o mana cazunata decidina carca. Débora, Noemí, Josué, Ana, Jeftepaj ushushi, Samuelpish paicunapaj llajtapi allita rurashcamanta shujtajcunata ayudashcata yachachi. Israelmanta mana caj Rahab, Rut, Jael, gabaonitacunapish Dios israelitacunahuan cashcata yachashpa paicunapaj lado tucushcatapish yachachi.