Tandanacuiman shamujcunapaj huillaicuna

SHUJTAJ TANDANACUICUNA

ESCUELA PARA EVANGELIZADORES DEL REINO. Precursor shina servij huauquicuna panicuna Diosmanta ashtahuan huillasha nishpaca domingo chishitami Escuela para Evangelizadores nishca tandanacuiman shamuchun invitanchij. Cai escuelaman risha nij huauquicuna panicunaca 23 huatamanta 65 huatacamallami charina can. Maipi canata, ima horas canataca jatun tandanacuillapitajmi huillanga.

SERVICIO DE BETEL. Bautizarishca huauquicuna panicuna Betelpi servisha nishpaca viernes chishitami shuj tandanacuiman shamuchun invitanchij. Betelman risha nij huauquicuna panicunaca 35 huatacamallami charina can. Maipi canata, ima horas canataca jatun tandanacuillapitajmi huillanga.

TANDANACUIMAN SHAMUJCUNAPAJ HUILLAICUNA

ACOMODADORES. Carrota maipi churanata, tandanacui ucupi maita purinata, maipi tiyarinata ricuchishpa, imapi ayudachun minishtijpica acomodador huauquicunami ayudanga. Chai huauquicuna nishcatami catina canguichij.

ASIENTOS. Shujtajcunapish asientocunata minishtishcata yuyaichij. Asientocunataca canhuan shamujcunallapaj, canhuan causajcunallapaj, Bibliata canhuan yachacujcunallapajmi japichun mañanchij. Cancuna mana tiyarina asientocunapica imatapish mana saquinachu canguichij.

BAUTISMO. Callari asientocunami bautizarigrijcunapaj chꞌicanyachishca canga o chaipimi maipi tiyarinata huillanga. Bautizarigrijcunaca sábado tutamantapimi bautizarinapaj conferencia manaraj callarijpi chꞌicanyachishca asientocunapi tiyarina can. Bautizarigrijcunaca shuj toallatapish apamunami can, mana pinganayai ropata churarishca bautizarinachu can.

CONTRIBUCIONES. Cai jatun tandanacuipi cushicushpa uyangapaj, Jehová Diospajman ashtahuan cꞌuchuyangapajmi, alli asientocuna tiyachun, equipocuna alli uyarichun, videocunata alli ricuchun, shujtaj minishtirishca cosascunapipish achca cullquita gastashcanchij. Cambaj shungumanta cushca cullquimi cai gastocunata pagangapaj, muyundij Allpapi Bibliamanta yachachishpa catingapaj ayudan. Chaimantami cai tandanacuipica cullquita churana cajacunata huaquin puestocunapi churashcanchij. Shungumanta, cullquita churashcamantami achcata pagui ninchij. Diospaj munai pajtarichun ayudashcamantami Cuerpo Gobernanteca cancunata pagui nin.

OBJETOS PERDIDOS. Cai tandanacuipi imata cungashcata tarishpaca, Departamento de Objetos Perdidos nishca puestopimi saquina cangui. Can imata chingachishca cashpaca chai puestopimi ricunaman rina cangui. Huahuacuna chingarishca cajpipish chai puestomanmi apana cangui. Shinapish cai Departamento de Objetos Perdidos nishca puestoca mana huahuacunata cuidangapajchu can. Cancunapaj huahuacunataca ricurashpami cancunapaj cꞌuchupi charina canguichij.

PRIMEROS AUXILIOS. Tandanacuipi MANA ALLI SINTIRIJCUNALLATA ayudangapajmi can.

SERVICIO VOLUNTARIO. Cai jatun tandanacuipi huaquin ruraicunapi ayudanata munashpaca Departamento de Información y Servicio Voluntario nishca puestomanmi rina cangui.