YACHAI 18

Uyanalla shimicunapi yachachi

1 Corintios 9:19-23

YUYARI: Can yachachishcata valorachunca shunguman chayangacamami alli yachachina cangui.

Canta uyajcuna imata ña yachashcata ricui. Shuj rijsishca temamanta yachachicushpapish chai temamanta imata ashtahuan yachai tucushcatami ricuchina cangui. Mana chaillatataj chaillatatajchu yachachina cangui.

Rijsishca temacunamantaca rato ratomi parlana cangui. Cutin, mana rijsishca temacunamanta parlacushpaca allimantami yachachina cangui. Shina rurajpimi paicunaca alli intindingacuna.
Alli investigashpa ima shina yachachinata yuyai. Shuj temata alli intindichunca mana rijsishca yuyaicunamanta, noticiacunamantami parlai tucungui. Pero chai temamanta, mushuj yuyaicunamantapish ima shina yachachinatami alli ricuna cangui.

Shuj temata investigacushpaca puntapica, ima tucushcata, maipi, ima horas, ima shina, imamanta cashna o chashna tucushcata yuyai. Pi caita o chaita parlashcata ricui. Can investigashcamantaca huaquin yuyaicunatami yachachi tucungui. Chashnami alli yachachingui.
Shuj temata imamanta yachana cashcata ricuchi. Bibliapi tiyaj yuyaicunata causaipi ima shina pajtachinatami yachachina cangui. Chaipajca ejemplocunata churashpa, paicuna rijsishca cosascunamanta parlashpami yachachi tucungui.